8% ҚҚС ставкасын қолдануға әлеуметтік маңызы бар азық-түлік тауарларының толығырақ сипаттамасы

Көптеп келіп түсіп жатқан сұрақтарға байланысты Қазақстан Республикасы Қаржы министрлігінің Мемлекеттік кірістер комитеті Әлеуметтік маңызы бар азық-түлік тауарларының тізбесіне енгізілген ЕАЭО СЭҚ ТН бойынша тауарларды сыныптау туралы түсіндірме берді. 2020 жылғы 1 қазанға дейінгі кезеңге осындай тауарларды өткізгенде және импорттағанда ҚҚС-тың 8% ставкасы қолданылады.

«Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасы Заңының 1-бабы 20-тармақшасына сәйкес әлеуметтік маңызы бар азық-түлік тауарлары – адамның физиологиялық қажеттіліктері қанағаттандырылатын азық-түлік тауарлары.

Яғни, бұл – белсенді және салауатты өмірді сақтау үшін адам ағзасының негізгі азық-түлік заттарына және энергияға қажеттілігін қанағаттандыруды көздейтін тауарлар.

Қазақстан Республикасы Үкіметінің 2010 жылғы 1 наурыздағы № 145 Қаулысымен бекітілген әлеуметтік маңызы бар азық – түлік тауарлары тізбесінің сипаттамалары тауар атауларының өзінде келтірілген немесе жақшада келтірілген тауарлардың 19 атауын қамтиды.

Осыған байланысты осы тауарларды ЕАЭО СЭҚ ТН сәйкес 10 таңбалы код деңгейінде сыныптау тауардың келтірілген сипаттамаларына (кесте сілтеме бойынша: http://www.kgd.gov.kz/sites/default/files/prilozhenie_kaz_po_tn_ved_0.docx) сүйене отырып жүзеге асырылды

Қазақстан Республикасы

Қаржы министрлігі

Мемлекеттік кірістер комитетінің

Баспасөз қызметі