Полиция қызметкерлері бүлдіршіндерге жолдағы қауіпсіздікті түсіндірді

Нұр-Сұлтан қаласы ПД Жергілікті полиция қызметі басқармасымен жол жүрісі қауіпсіздігі мен балалардың жол-көлік оқиғалары кезінде алатын жарақаттарына ерекше көңіл бөлінеді. Жол қозғалысы қауіпсіздігін насихаттау – бұл жол-қозғалысына қатысушылардың мінез-құлқын реттейтін жол-қозғалысы қауіпсіздігін қамтамасыздандыру мәселелері туралы заңдылықтарды, құқық нормаларын түсіндіру туралы білімдерін мақсатты түрде тарату болып табылады. Бүгін, Нұр-Сұлтан қаласының ювеналды полиция қызметкерлері мектепке дейінгі мекемелерде мектепке дейінгі білім беру мекемелерінің тәрбиешілерімен және балалармен көшелер мен жолдарда қауіпсіз жүріс-тұрыс дағдыларын бекіту, бүлдіршіндер мен жасөспірімдерді тұрақты тұратын және оқитын орындарда көлік ортасына бейімдеу, оның ішінде осы тақырып бойынша брошюралар мен ақпараттық парақшаларды тарату мақсатында түсіндіру және алдын-алу жұмыстарын жүргізді.  Сонымен қатар, балалардың терезелерді өз бетінше ашуға кедергі жасайтын бекітпелер мен арнайы тіркегіштердің болмау фактілерін анықтау және балалардың құлау жағдайларын болдырмау және алдын-алу мақсатында балабақша әкімшіліктерімен түсіндіру жұмыстары жүргізілді.

                             Нұр-Сұлтан қ. ПД Баспасөз қызметі