Өңірлік мемлекеттік қызметтегі гендерлік теңдік

Президент Қасым-Жомарт Тоқаев мемлекеттік жұмыспен қамту саясатының басты бағыттарының бірі ретінде гендерлік теңдікті нығайтуды айқындады.

Мемлекеттік қызмет істері Агенттігінің төрағасы Анар Жаилғанова барлық деңгейде қызметке түсу жәнежоғарылау үшін тең бастапқы мүмкіндіктер жасау мақсатында елімізде гендерлік-бағдарланған кадрлық саясат жүргізіліп жатқандығын атап өтті.

Ақтөбе облысы мемлекеттік қызмет істері департаментінің мәліметі бойынша, бүгінгі таңда мемлекеттік қызметте 2570 әйел жұмыс істейді, бұл мемлекеттік қызметшілердің жалпы санының 58,9% құрайды.

Олардың ішінде облыстағы ең жас мемлекеттік қызметшілердің бірі Еркеназ Көшкінбаева қала әкімдігінің экономика және қаржы бөлімінің бас маманы болып жұмыс істейді. Ол 22 жаста.

«Болашақта мен өзімді облыс әкімі аппаратының басшылық лауазымдарының бірінде көремін. Жалпы, маған ұжымдағы ахуал ұнайды. Басшылықпен қарым-қатынастамыз жақсы. Сондай-ақ, маған мемлекеттік қызмет негіздерімен бөлісетін тәлімгер тағайындалып, осылайша менің кәсіби шеберлігімді жоғарылатуға жағдай жасалғандығын атап өткім келеді», - деді ол.

Айта кету керек, әйелдердің көпшілігі денсаулық сақтау, білім және сот салаларында басым.

Мысалға, облыстық сотта 275 мемлекеттік қызметкердің 201-і әйелдер, яғни 73% құрайды.

Жоғарыда келтірілген фактілер мемлекеттік қызметтегі гендерлік саясатқа ерекше назар аударатындығын көрсетеді.