«Мас жүргізуші – қылмыскер» жедел профилактикалық іс-шарасы

Жол - көлік оқиғаларын алдын-алу, жол қозғалысы ережелерінің апаттылық деңгейіне тікелей әсер ететін бұзушылықтарды анықтау, жолын кесу, қоғамдық тәртіпті сақтауды қамтамасыз ету және жол қозғалысы қауіпсіздігінсақтау мақсатында Астана қаласы ПД - нің Жергілікті полиция қызметі ағымдағы жылдың 09-11 қараша аралығында елорда аумағында "мас жүргізуші-қылмыскер"жедел-алдын алу іс-шарасы өткізілді.

Жедел –профилактикалық іс-шараны өткізу барысында көлік құралын мас күйінде басқаратын тұлғаларды анықтау мақсатында іс-шаралар көптеп өткізілетін аумақтарда және демалыс орындарында, ойын-сауық мекемелері мен басқа да қоғамдық орындарда патрульдеу ұйымдастырылды.

Жедел алдын-алу іс-шарасының қорытындысы бойынша 800-ден астам жол жүру ережелерін бұзу фактілері анықталды. Оның ішінде, 40-тан астамы жүргізушілердің көлік құралын масаң күйде басқаруы бойынша, 160-қа жуығы жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамауы бойынша, 30-дан астамы жүргізушілердің қауіпсіздік белдігін пайдалану ережелерін сақтамағаны үшін, 50-ге жуығы көлік құралдарын пайдалану ережелерін бұзу бойынша, 150-ге жуығы жаяу жүргіншілердің жол ережелерін бұзу және т.б. құқықбұзушылықтар анықталды.

Астана қ. ПД-нің Жергілікті полиция қызметі басқармасы