ҚР Адам құқықтары жөніндегі уәкіл Орталық Азиядағы адам құқықтары жөніндегі БҰҰ Жоғарғы Комиссары басқармасының Аймақтық өкілі Рышард Комендамен құқық қорғау ынтымақтастығын нығайту мәселелерін талқылады

Астана қаласында Омбудсмен Асқар Шәкіров БҰҰ-ның Адам құқықтары жөніндегі Жоғарғы Комиссары Басқармасының Орталық Азиядағы өңірлік өкілі Рышард Комендамен кездесті, оның барысында Қазақстандағы адам құқықтарын қамтамасыз ету саласындағы ынтымақтастықтың негізгі аспектілері талқыланды.

Кездесу барысында тараптар әріптестіктің, оның ішінде Қазақстанның Омбудсмен мекемесі бастамашы болған Орталық Азия бірлескен бастамасы шеңберінде ұлттық құқық қорғау мекемелерін қолдаудың оң тәжірибесін атап өтті.

Р.Коменда Еуропалық Одақтың қолдауымен «Пікір білдіру еркіндігі, бейбіт жиналыстар және қауымдастықтар саласында азаматтық қоғамды қолдау» АҚЖКБ жобасының жүзеге асырылуы туралы хабардар етті. Жобада мемлекеттік органдармен және Ұлттық сарапшылармен бірлесіп, жалпыға танылған шетелдік тәжірибе негізінде Қазақстан заңнамасын жетілдіру саласында бірқатар іс-шаралар өткізу көзделген.

Омбудсмен сұхбаттасушыны құқық қорғау мониторингінің осы саласындағы өз мекемесінің жұмысы туралы, сондай-ақ басқа да қолданыстағы форматтар, атап айтқанда ҚР Сыртқы істер Министрлігі жанындағы «Адами өлшем бойынша диалогтық алаң» аясындағы жұмысы туралы таныстырды.

Сондай-ақ, 2015 жылы Қазақстанға іссапармен келген БҰҰ Арнайы баяндамашысы Майна Киаидің бейбіт жиналыстар бостандығына құқық мәселесі жөніндегі ұсынысы бойынша іс-шаралар жоспарының орындалуына назар аударылды.

АҚЖКБ өкілі жалпы алғанда мемлекет тарапынан қабылдаған шараларға оң баға беріп, Қазақстан Республикасының қабылданған халықаралық міндеттемелерді орындауы тұрғысынан оларды одан әрі жетілдірудің маңыздылығын атап өтті.

ҚР Адам құқықтары жөніндегі уәкіл аппаратының баспасөз қызметі