Солтүстік Қазақстан облысында әкімдікке ведомстволық бағынысты ұйымның басшылығы бюджет қаражатын ұрлады деп күдіктелуде
Солтүстік Қазақстан облысы бойынша Сыбайлас жемқорлыққа қарсы қызмет Петропавл қаласы әкімдігінің «Тазарту, су бұру және су өткізу құрылыстары» ШЖҚ МКК басшысы мен оның орынбасарына қатысты сотқа дейінгі тергеп-тексеруді бастады.
Лауазымды тұлғалар 2020-2022 жылдар кезеңінде үлестес кәсіпорындармен дауыл желілерін реконструкциялау, сорғы станцияларын жөндеу және арнайы техниканы жалдау бойынша қызметтер көрсету бойынша жұмыстарды орындауға жалған шарттар жасасу жолымен жалпы сомасы 258 млн теңгеге бюджет қаражатын жымқыру бойынша күдікті.
Соттың санкциясымен күдікті қамауға алынды.
Қылмыстық-процестік кодексінің 201-бабына сәйкес өзге ақпарат жария етуге жатпайды.
Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
[xfvalue_img]
