Қашықтықтан мониторинг жүргізу нәтижесінде 15 азаматтың құқытары қалпына келтірілді

Мемлекеттік қызмет істері агенттігінің «Е-лицензиялау» жүйесінде қашықтықтан мониторинг жүргізу арқылы қызмет алушылардың құқықтарын сақталуын қаматамасыз ету нысанында  Мемлекеттік қызмет істері агенттігінің Ақмола облысы бойынша департаменті Қосшы қаласы әкімдігінің қызметінде 15 азаматқа нақты себептерін көрсетпестен, жер учаскесінің нысаналы мақсатын өзгертуден бас тарту фактілері анықталды. Жүгінгендердің арасында тұрғын үй құрылысына арналған жер учаскелерінің иелері де, кәсіпкерлер де болған.

Өтініштердің құжаттамаларын зерделеу барысында жергілікті атқарушы орган отырысықа жер комиссиясы мүшелерінің жеткілікті санын қаматамасыз ете алмағаны үшін бас тарту туралы шешімдер қабылдағаны анықталды. Алайда мемлекеттік көрсетілетін қызметтер саласындағы заңнама мен Әкімшілік рәсімдік-процестік кодекстің ережелерін ескере отырып, мұндай мән-жай қызмет көрсетуден бас тарту үшін негіз бола алмайды.

Осыған байланысты Департамент Қосшы қаласының әкімдігіне қызмет алушылардың құқықтарын қалпына келтіру туралы ақпараттық хат енгізді.

Соның нәтижесінде барлық өтініш иелеріне жер учаскесінің нысаналы мақсатын өзерту туралы шешімдер ұсынылды, сондай-ақ жер қатынастары саласындағы уәкілетті органның басшысы тәртіптік жауапкершілікке тартылды.

Бұл қызмет түрі өз учаскесінің нысаналы мақсатын қолданыстағы қала құрылысы құжаттамасымен сәйкестендіріп құрылыс жүргізуді қалайтын азаматтар мен  кәсіпкерлік субъектілерінің арасында сұранысқа ие.