Антикор Ақтөбе жеке күзет ұйымдарына заңсыз жүргізілген 100-ден астам тексерулерді анықтады
Ақтөбе облысы бойынша Сыбайлас жемқорлыққа қарсы қызмет жеке күзет саласындағы кәсіпкерлердің құқықтарын қорғау бойынша талдау жүргізді.
Мониторингпен 2022-2023 жылдары жеке күзет ұйымдарына полиция департаменті қызметкерлері профилактикалық іс-шаралар түріндегі 107 тексеріс жүргізгені анықталды.
Полиция қызметкерлері апта сайын түнгі уақытта күзетшілердің формалық киімдерінің сәйкестігін тексеріп, құжаттарды, күзет объектілерімен шарттарды, күзетшілердің куәліктерін, лицензияларды талап етіп барған, күзетшілерді полицияға шақырған, жеткізген және т.б. әрекеттер жасаған.
Бұл ретте, тексеру деректері мен нәтижелері тіркелмеген.
Кәсіпкерлік кодексіне сәйкес, күзет қызметі саласындағы тексерулероргандарда тағайындаумен және тіркеу арқылы жалпы тәртіппен жүргізілуі тиіс.
Осыған орай, кәсіпкерлердің құқықтарын қорғау мақсатында,Антикор Ақтөбе мүдделі тұлғалардың қатысуымен жұмыс кездесуін өткізіп, жағдайды шешу жөнінде ұсынымдар енгізді.
Нәтижесінде, бүгінгі күні заңсыз тексерулер практикасы тоқтатылды. 208 кәсіпкер өз қызметін кедергісіз жүзеге асыруда.
[xfvalue_img]
