Петропавл полицейлері 6 ай ішінде жасөспірімдердің 449 түнгі серуенін анықтады

Жазғы демалыс кезеңі- ювеналды полиция қызметкерлері үшін қарбалас уақыт болып табылады. Петропавлдың тәртіп сақшылары күшейтілген режимде алдын алу шараларын жүргізуде. Күндіз олар "жабайы жағажайларды", түнде — көшелер мен ойын-сауық орындарын, балалар мен жасөспірімдердің ата-анасынсыз пайда болуының өзге мүмкін жерлерін тексереді.

"Жазда кәмелетке толмағандар өздеріне берілген. Бұл жазатайым оқиғалар мен қылмыстық қудалау орбитасына тартылу қаупін арттырады, — дейді Петропавл қ. ПБ бастығының м.а. полиция подполковнигі Әлібек Ғабдуллин. - Жыл басынан бері Петропавлда кәмелетке толмағандар 14 қылмыс жасады, оларға қатысты — 17 қылмыс орын алған. 140 рейд жүргізілді, оның барысында 647 әкімшілік құқық бұзушылық анықталды. Оның 449-ы жасөспірімдердің түнгі уақыттағы демалысымен байланысты. Сондай-ақ 6 айда 10 кәмелетке толмаған, 15 тұрмысы нашар отбасы анықталып, есепке қойылды".

Бүгінгі таңда Петропавлда ювеналды полицияның есебінде 20 жасөспірім мен 36 отбасы тұр, онда ересектер өздерінің ата-аналық міндеттерін ұмытып, балаларына теріс әсер етуде. Полицейлердің бастамасы бойынша жыл басынан бері кәмелетке толмағандар істері жөніндегі комиссияда 17 материал қарастырылды.

Тәртіп сақшылары ересектерден балаларына көбірек көңіл бөлуді, олардың бос уақытын ұйымдастыруға тырысуды, қараусыз қалуға жол бермеуді сұрайды — бұл заң бұзушылыққа әкелетін негізгі фактор болып табылады.

Игорь Мерцалов

СҚО ПД баспасөз қызметі