ANTIKOR.LIVE ЖОБАСЫ АЯСЫНДА СЫБАЙЛАС ЖЕМҚОРЛЫҚ ТӘУЕКЕЛДЕРІН БОЛДЫРМАУ ТУРАЛЫ ТІКЕЛЕЙ ЭФИР ӨТКІЗІЛДІ

Бүгін Нұр-Сұлтан қаласы мәслихатының депутаты Салтанат Дженалаева елордалық «Antikor Ortalyǵy» алаңының жұмысымен танысты. Орталықтың қызметі қоғаммен ашық алаңда өзара іс-қимыл жасауға және халықпен тиімді кері байланысты қамтамасыз етуге бағытталған.

Салтанат Дженалаева, #ANTIKOR.LIVE жобасы аясында «Астана – адалдық алаңы» жобалық кеңсесі басшысының міндетін атқарушы Бақдәулет Жанділдаевпен бірге сыбайлас жемқорлық тәуекелдерін алдын алу жұмыстары туралы тікелей эфир өткізді.

Эфир барысында спикер қалалық мәслихаттың депутаты ретінде атқарылған жұмыстар туралы айтып, шағын және орта бизнесті еліміздің экономикасының негізі ретінде қолдау қажеттігін атап өтті. Осыған байланысты мемлекеттік органдардың құқықтық базасын жаңғыртудың маңыздылығы атап өтілді.

Қатысушылар сыбайлас жемқорлық деңгейін қысқартуға, оның туындау себептері мен жағдайларын жоюға қабілетті тиімді алдын алу шараларын атап өтті, сондай-ақ тиімді мемлекеттік басқару мәселелері қозғалды.

Сонымен қатар, депутат сыбайлас жемқорлыққа қарсы мәдениетті қалыптастыру және қоғамда парасаттылық идеологиясын ілгерілету бойынша пікірімен бөлісті.