«АДАЛ КӨМЕК» ЖОБАСЫ АЯСЫНДА КУРЧАТОВ ҚАЛАСЫНДА 180 АДАМҒА ҚҰҚЫҚТЫҚ КӨМЕК КӨРСЕТІЛДІ

«ANTIKOR LIVE» жобасы аясында өткен тікелей эфирде Курчатов қаласының әкімі Алексей Глазинский ҚР сыбайлас жемқорлыққа қарсы стратегияны және «Халық үніне құлақ асатын мемлекет» тұжырымдамасын іске асыру барысы туралы айтты.

«Ашық Әкімдікте күн сайын дербес бөлімдердің мамандарымен (Жұмыспен қамту бөлімі, Жер мәселелері, ТКШ бөлімі және Білім бөлімі) өз бағыттары бойынша регламенттер мен стандарттарға сәйкес мемлекеттік қызметтер көрсетіледі, сондай-ақ білікті консультациялар өткізіледі. Мұнда халықтың түрлі топтары үшін барлық жағдай жасалған», - дейді қала әкімі.

Қала әкімінің сөзіне сүйенсек, Ашық әкімдікте жыл басынан бері 481 қабылдау өткізіліп, 301 қызмет көрсетілген. Сондай-ақ, 180 азаматқа кеңес берілген.

«Курчатов қаласы әкімдігінің 5 бөлімі мен 7 білім беру мекемесінің басшысы бірінші қабатқа көшірілді. Сонымен қатар, «Цифрлық Қазақстан» мемлекеттік бағдарламасын іске асыру цифрлық сауаттылыққа оқытуды ғана емес, сонымен қатар IT - технологиялардың кең форматын пайдалануға мүмкіндік береді. Тұрғындарға ыңғайлы болу үшін «Қадамдық қолжетімділік» қағидаты әзірленді. Қаланың әртүрлі шағын аудандарында 8 өзіне-өзі қызмет көрсету бұрыштары құрылды. Атап айтар болсақ, әкімдікте, жұмыспен қамту орталығында, қалалық ауруханада, 4 жалпы білім беретін мектеп пен қалалық кітапханада. Бұл мүмкіндік арқылы әрбір қала тұрғыны Қазақстан Республикасының электрондық үкімет порталы арқылы мемлекеттік қызметтерді электрондық түрде ала алады. «Адал Көмек» жобасы аясында 17 тікелей эфир ұйымдастырылып 180 адамға құқықтық көмек көрсетілді» - дейді Алексей Глазинский.

  Эфир барысында қала басшысы қойылған сауалдарға жауап беріп, өзінің жеке байланыс нөмерін (87471938776) жария етті.