Мемлекеттік қызмет пен сот ынтымақтастық туралы Меморандумға қол қойды
Мемлекеттік қызмет істері агенттігінің Павлодар облысы бойынша департаментінің басшысы Е.Н. Қарымсақов пен облыстық сот төрағасы
Б. С. Қараманов ынтымақтастық туралы Меморандумға қол қойды. Тараптар Мемлекеттік қызмет туралы заңнаманы, мемлекеттік қызметшілердің Әдеп кодексін және Павлодар облысының мемлекеттік қызметшілерінің сыбайлас жемқорлыққа қарсы іс-қимыл саласындағы өзара іс-қимыл туралы бірқатар бағыттарды анықтады. Қол қойылған меморандум аясында облыстық сот пен мемлекеттік қызмет департаменті мемлекеттік қызметшілер және мемлекеттік органдармен әкімшілік бұзушылықтар туралы сот қаулыларын шығарған кезде қаулының бір данасын Департаментке жіберуге келісті. «Құжатқа қол қою мемлекеттік қызмет туралы заңнама мен Әдеп кодексінің құқық бұзушылықтарының алдын алуда ынтымақтастықтың жаңа мүмкіндіктерін ашады», - деп атап өтті Ержан Қарымсақов.Облыстық сот төрағасы Бақытжан Қараманов ұзақ мерзімді серіктестік мемлекеттік қызметкерлер арасында этикалық құқық бұзушылықтардың алдын алу және бақылау жүйесін күшейтуге мүмкіндік беретінін атап өтті.
[xfvalue_img]
