ШҚО-да МӘМС іске асырудың бірінші жылында жүргізілген жұмыстарының қорытындысы

«ANTIKOR LIVE» жобасы аясында «Шығыс – Адалдық алаңы» жобалық кеңсесінің ұйымдастыруымен «Әлеуметтік медициналық сақтандыру қоры» КЕАҚ ШҚО бойынша директоры Ғалымжан Әбіловтың қатысуымен Шығыс Қазақстан облысында міндетті әлеуметтік медициналық сақтандыруды (МӘМС) іске асырудың бірінші жылының қорытындысы бойынша  тікелей эфир өтті.

2020 жылы қордың облыстық филиалымен медициналық көмектің жоспарлы көлеміне өтінім берген 104 медициналық ұйым шарт жасасқан. Оның ішінде 42-сі жекеменшік, 62-сі мемлекеттік медициналық мекеме.

Өткен жылы тәулік бойғы стационарда 166 725 пациент емделген, соның ішінде 315 пациентке жоғары технологиялық қызмет көрсетілген. Стационарды алмастыратын көмек шеңберінде 65 678 пациент емделген.

Шығыс Қазақстан облысы бойынша 2020 жылға Қазақстан Республикасында COVID-19 таралуын болдырмау мақсатында іс-шараларды төлеуге 23 314,3 млн.теңге бөлінген, соның ішінде:

-  пациенттерді стационарда емдеуге – 8 912,7 млн.теңге;

-  ынталандыруға – 11 426,8 млн.теңге;

-  ПЦР зерттеулерге– 2201,2 млн.теңге;

-  мобилді бригадаларға – 745,2 млн.теңге;

-  үйдегі стационарларға – 28,4 млн.теңге .

Ал жұқпалы КВИ бөлімшелерінде 10227 науқас емделген.

МӘМС жүйесіндегі өзекті мәселелердің бірі азаматтардың сақтандырылылуы болып табылады. Ұлттық экономика министрлігінің мәліметі бойынша 01.01.2021 жылы Шығыс Қазақстан облысының 1,37 млн. тұрғынының 1,11 млн-ы ғана сақтандырылған. Алайда, 250 018 адам әлі де сақтандырылмаған азаматтар қатарында. Сондықтан, облыстың әрбір тұрғыны өзінің сақтандырылған статусын анықтауы қажет. Яғни, облыстың әрбір бесінші тұрғыны сақтандырылмаған болып отыр.

Азаматтарға қолайлы жағдай жасау үшін Қор тарапынан  түрлі кері байланыс арналарын ұсыну бойынша жұмыстар жүргізіліп жатыр. Қазіргі уақытта Qoldau 24/7 мобилді қосымшасы іске асырылып, табысты жұмыс атқаруда. Оның көмегімен пациенттер кеңестер алуға, өздерінің статусын тексеруге, шағымдарын қалдыруға, уақытша сақтандыру статусын алуға мүмкіндіктері бар.

Қордың Шығыс Қазақстан облыстық  филиалында ұйымдастырылған азаматтарды қабылдау кабитетіне пациенттер өтініштерін қалдыруға болады.

МӘМС жүйесіне қатысу статусын (сақтандырылу статусы) қазіргі уақытта анықтау тетіктері: Қор сайтындағы плагинді қолдану (fms.kz), телеграм-бот арқылы (https://t.me/SaqtandyryBot), Qoldau 24/7 мобилді қосымшасы арқылы egov.kz порталында және де 1406 тәулік бойғы call-орталығы арқылы.