Алкогольдік ішімдік ішіп көлік басқарғаны үшін көлік жүргізу құқығынан айырылды.

   С. ағымдағы жылдың 16 шілдесінде Сырым ауданында «Ваз» маркалы автокөліктің тізгінін мас күйде басқарған. Сотта С. әкімшілік құқық бұзушылық туралы хаттамада көрсетілген мән-жайларды растап, өз кінәсін толық мойындады.

   Сот қаулысымен С. ӘҚБтК-нің 608-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылды. Сот құқық бұзушыны 15 тәулік мерзімге қамақ  түріндегі әкімшілік жазаға тартып,7 жыл көлік  жүргізу құқығынан айырды.

   Сонымен қатар аудандық сотта   ӘҚБтК-нің 608- бабының 3- бөлімі және 611 -бабының 2 -бөлімімен әкімшілік істер қаралды.

    Сотта жинақталған құжаттарды зерттегенде  «Ваз 2114» автокөлігінің жүргізушісі алкогольдік масаю күйінде көлікті жүргізіп,  жол қозғалысы қағидасын сақтамай, қарама-қарсы қозғалыс жолына шығып, «Уаз» жедел жәрдем  автокөлігімен соқтығысқаны анықталды. Соңынан жол көлік оқиғасына кінәлі жүргізуші жауапкершіліктен қашып, оқиға орнынан бой тасалаған. Құқық бұзушы кінәсін толық мойындап, істеген әрекетіне өкінді.

   Сот қаулысымен  З. әкімшілік құқық бұзушылықтар  жасағаны үшін кінәлі деп танылды. Алайда, оның  жасы  алпыс үш жастан асқандықтан  ӘҚБтК-нің 50-бабының 2-бөлімі негізінде әкімшілік қамақ түріндегі жазаны өтеуден  босатылып,  7 жыл мерзімге көлік құралын жүргізу құқығынан айыру жазасы тағайындалды.

Қаулы заңды күшіне енген жоқ.

Батыс  Қазақстан облысы

Сырым аудандық сотының кеңсе меңгерушісі   Ж-М.А.Вебер