Сот жүйесінің «Жеті түйіні»

Жоғарғы Сот Төрағасы Ж.Асанов  Елбасының  «Қазақстан-2050» Стратегиясы, «Рухани жаңғыру» мақаласы мен «100 нақты қадам» Ұлт жоспарын басты бағыт ретінде ұстанып, сот жүйесін одан әрі дамыту мақсатында судьялардан, адвокаттардан, сот қызметкерлерінен, заңгерлік қауымдастықтардан келіп түскен мыңдаған ұсыныстың негізінде «Сот төрелігінің жеті түйіні» атты жеті басым міндетті - «Мінсіз судья», «Үлгілі сот», «Әділ процесс», «Е-сот», «Оңтайлы орта», «Сапалы нәтиже», «Сотсыз татуласу орталығы» анықтаған  болатын.  

 «Е-СОТ» немесе  «SMART SOT». Бұл бағытта автоматтандырылған электронды сот өндірісі қолға алынды. Ең алдымен қолданыстағы  «Сот кабинеті» ақпараттық сервисі негізінде барлық іс жүргізу электронды түрде жүзеге асырылады. Тараптардың талап арыздары мен өтініш-тілектері барлығы электронды түрде тапсырылады. Сот отырыстары дыбыс-бейнетаспаға жазылып,  жазбаша хаттама электронды хаттамамен алмастырылды. Денсаулық жағдайына немесе өзге де тұрмыс-тіршілігіне байланысты сот отырысына келе алмаған өзге қаладағы тараптар, олардың заңды өкілдері процеске қашықтықтан қатысу мүмкіндігіне ие болды. Процестер бейнеконференцбайланыс арқылы өтеді. Мұның барлығы азаматтар үшін қолайлылық тудырып отыр. Жаңа реформалардың арқасында кез келген азамат еш шығынсыз, уақытын үнемдей отырып, сот отырыстарына қатыса алады.

Мұғалжар ауданының  № 2 аудандық

сотының бас маманы  -Г.Ж.Курбанова