Мұғалжар аудандық сотында электронды қылмыстық іс қаралды
"Цифрлық Қазақстан" бағдарламасы аясында сот жүйесіне заманауи электронды технологияларды енгізу халықтың сот төрелігіне қол жеткізу деңгейін едәуір арттыруға мүмкіндік береді.
Осылайша, Мұғалжар аудандық сотында ҚР ҚК-нің 346-бабының 1-бөлігімен (Көлік құралдарын басқару құқығынан айырылған, алкогольдік, есірткілік және (немесе) уытқұмарлық масаң күйдегі адамның көлік құралын басқаруы) азамат Е.-ге қатысты электронды қылмыстық іс қаралды.
Іс материалдарына сәйкес, азамат Е. Мұғалжар аудандық соттының 2019 жылғы қаулысымен 3 жыл мерзіміне көлік құралын жүргізу құқығынан айырылған тұлға бола тұра, ағымдағы жылдың тамыз айында «ToyotaPrado» маркалы автокөлігін алкогольдік масаң күйде басқарған.
Сот үкімімен сотталушы қылмыстық теріс қылықты жасағаны үшін кінәлі деп танылып, оған 25 АЕК мөлшерінде айыппұл салынды.
Үкім заңды күшіне енген жоқ.
Ақтөбе облысы Мұғалжар аудандық сотының бас маманы Анар Шекенова
[xfvalue_img]
