Келтірілген шығынды өтеу туралы дауларды қарау бойынша семинар өтті
Батыс Қазақстан облысы Орал қаласының №2 сотында сот төрағасының м.а. Флора Сапарованың төрағалығымен келтірілген материалдық шығынды өтеу туралы дауларды қарау бойынша семинар өтті. Семинар жұмысында «Виктория», «Номад Иншуранс», «Казахинстрах» сақтандыру компанияларының, Денсаулықсақтау басқармасы, адвокаттар алқасы өкілдері мен сараптама орталығының сарапшылары қатысты.
Ф.Сапарова атап өткендей, материалдық шығынды өтеу – өз іс-әрекеттері арқылы материалдық шығын келтірген екінші тараптың жауапкершілігі. Осы санаттағы істерді қарауда көптеген сұрақтар туындайды, бұл ретте оның соңғы нәтижесіне материалдық құқықтық және процессуалдық нормаларды дұрыс қолдануы әсер етеді.
Семинар жұмысы барысында судья Асель Ысқақова жол-көлік оқиғасы салдарынан келтірілген шығындарды өтеу туралы даулар бойынша баяндама жасады.
Семинар қорытындысы бойынша қатысушылар ашық диалог алаңын ұйымдастыруға берілген мүмкіндік үшін ризашылықтарын білдірді.
О.Қ.Ташимова
Орал қаласының №2 сотының БАҚ бойынша жауапты маманы
[xfvalue_img]
