СҚО-да полицейлер мен жұртшылық өкілдері адам саудасы және кадрмен қамтамасыз ету сұрақтарын талқылады

СҚО ПД жанындағы консультативтік-кеңесші органның екінші отырысы жағымды сәттен бастау алды. СҚО ПД бастығы полиция полковнигі Айдын Қабдұлдинов ККО жаңартылған құрамына жаңа куәліктерді салтанатты түрде табыс етті. Айта кетейік, биылғы жылы органның құрамына СҚО ПД және ҚР Ұлттық ұланы ардагерлер кеңесінің төрағасы Ақан Сыздықов пен тележурналист Төлеген Иманов кірді.

Күн тәртібіне адам саудасына қарсы іс-қимыл және облыстық полицияның жеке құрамын жасақтау мәселелері енгізілді.

Облыс тұрғындарын, әсіресе халықтың осал топтарынан шыққан жастарды қазіргі құлдық қаупінен қалай қорғауға болады? Бұл мәселеге ұйымдасқан қылмысқа қарсы күрес басқармасының бастығы Жандос Басыбаевтың сөз сөйлеуі арналды. Жыл басынан бері облыста адам саудасына байланысты 2 қылмыс тіркелді. ҚР ҚІЖК-нің 201-бабына сәйкес, қазіргі уақытта егжей-тегжейлерді жария ету мүмкін емес екендігін тілге тиек етіп, Жандос Басыбаев жезөкшелікпен айналысуға тартудың қылмыстық схемасы ашылғанын, оның ішінде сенімді теріс пайдалану, жоғары ақы төленетін жұмыс туралы алдау, құжаттарды иелену және психологиялық қысым туралы айтып өтті. Полицейлер ККО мүшелерімен алдын алудың проблемалық тұстарын талқылады, шешу жолдарын белгіледі: түрлі ұйымдармен өзара іс-қимылды нығайту, ақпараттық-түсіндіру жұмыстарын кеңейту. Атап айтқанда, адам саудасына байланысты қылмыстар бойынша анонимді түрде жүгіну үшін интернет-ресурс құру туралы ұсыныс айтылды.

СҚО ПД кадр саясаты басқармасының бастығы Абылғазы Ғабдуллинның баяндамасынан жиналғандар жеке құрам құрамды толықтыру үшін қабылданып жатқан шаралар туралы біле алды. Облыс полициясы учаскелік полиция инспекторларына ең үлкен қажеттілік — 35 бірлікті, ал жедел уәкілдерге — 20 бірлікті құрайды. Полицейлер оқу орындарының түлектерімен, Ұлттық ұланның әскери қызметшілерімен үгіт-насихат жұмыстарын жүргізеді. ҚР ІІМ жүйесінің жоғары оқу орындарын толықтыру бойынша шаралар қабылдануда, бұл полиция қатарын кадр офицерлерімен толықтыруға ықпал етеді.

Айдын Қабдұлдиновтың айтуынша, ККО - полицияның қоғаммен өзара іс-қимылының тиімді құралдарының бірі. Өңірде жақсы танымал және халық арасында лайықты беделге ие адамдардың жәрдемдесуі — полицияның қоғамның өзекті сұраныстарын қанағаттандыруға бағдарланған адамның орталықтандырылған жұмыс моделіне көшуіне сенімді көмек көрсету болып табылады. 

СҚО ПД баспасөз қызметі