ЖАЗА БАСҚАНДАРДЫ ҚОҒАМҒА БЕЙІМДЕУ МАҢЫЗДЫ
Бүгін Ордакент ардагерлер, жастар ресурстық орталығы ғимаратында Жаңақорған аудандық прокуратурасының бастамасымен, «Жастар ресурстық орталығы» КММ, аудандық пробация қызметінің ұйымдастыруымен пробациялық есепте тұрған жастармен кездесу ұйымдастырылды. Кездесуге аудандық прокуратураның прокуроры Н. Оразметов, Облыстық дін зерттеу орталығының теолог маманы Ш. Айдаров, аудандық пробация қызметінің бастығы А. Искаков,«Жастар ресурстық орталығы» КММ директоры Н.Орынбасаров қатысып, түрлі бағыттарда баяндама жасады. Діни экстремизмнің алдын алу, жастардың бос уақытын тиімді өткізу, зорлық зомбылықтың алдын алу, қайта қылмыс пен әкімшілік құқықбұзушылық жасамау керектігі турасында түсіндірме жұмыстары жүргізілді.
Кездесу соңында азаматтардан әлеуметтік, тұрмыстық, сонымен қатар кәсіпкерлік қызметін жүзеге асыруға қайтарымсыз грант алу, жұмысқа орналасу және өзге де мәселелерге байланысты сауалдар түсіп, қосымша зерделеуді қажет етпейтін сауалдарға түсіндірмелер берілді.
Қызылорда облысы бойынша ҚАЖД
[xfvalue_img]
7 пікір