Тараз қаласының тұрғыны "жалған сертификаттар" сатпақ болған
Жамбылдық полицейлерге Қазақстанның әр өңірінен 10 азаматшаның шағымы түсті. Олар әлеуметтік желілер арқылы біліктілікті арттыру сертификаттарын дайындауға уәде берген әйел адаммен танысып, жіберген ақшаларын алған соң ол телефонын сөндіріп із-түссіз жоғалып кеткенін хабарлаған. Жалған сертификаттар үшін жәбірленушілер 80 000-нан 160 000 теңгеге дейінгі түрлі көлемде ақша жіберген.
Аталған деректерге қатысты полиция қызметкерлері ҚР Қылмыстық кодексінің 190-бабы 3-бөлігі (Алаяқтық) бойынша сотқа дейінгі тергеу амалдарын бастады.
Жедел-іздестіру іс-шараларының нәтижесінде полиция қызметкерлері Тараз қаласының 36 жастағы тұрғынын анықтап, ұстады.
Күдікті өз кінәсін толық мойындады. Қажетті сараптамалар тағайындалып, тергеу жүргізілуде.
[xfvalue_img]
