Пробация қызметінің ұсынысы қанағаттандырылды
Жаңақала аудандық соты Қазақстан Республикасының Қылмыстық кодексінің 346-бабының 1-бөлігімен 2 жыл 6 ай мерзімге бас бостандығын шектеу жазасына сотталған Ғ-ға қатысты бас бостандығын шектеу жазасын бас бостандығынан айыру жазасына ауыстыру туралы пробация қызметінің ұсынысын қарады.
Іс материалдары бойынша сотталған Ғ. жазаны өтеу ережелері түсіндірілгеніне қарамастан тіркеуге келмеген, тексеріс барысында бірнеше рет тұрғылықты жерінде болмаған. Ескертулерден қорытынды шығармай, салдарынан аудандық пробация қызметі оған бас бостандығын шектеу жазасын бас бостандығынан айыру жазасына ауыстыруға ұсыныс түсірді.
Сот мәжілісінде сотталған Ғ. жазаны өтеу ережелерін бұзу фактілерін толығымен мойындады.
Сот пробация қызметінің сотталған Ғ-ға қатысты бас бостандығын шектеу жазасының өтелмеген бөлігі 1 жыл 11 ай 6 күнге бас бостандығынан айыру жазасына ауыстыру туралы ұсынысын қанағаттандырды. Сотталған адам дереу қамауға алынды. Қаулы заңды күшіне енді.
Г.Әбдіғалиқызы, бас маман.
[xfvalue_img]
42 пікір