«Қазақстанның Тәуелсіздігі –Мәңгілік елдің ұлы тарихы»
Ел мәртебесінің шарықтайтын тағы бір төл мерекесі-Тәуелсіздік күні! Тәуелсіздік тұғыры ел санасында тағы бір жаңғыратын күн! Әрбір халықтың санасында ең қастерлі ұғым болып сақталмақ.
Ел бостандығы мен тәуелсіздігі жолындағы күрестеріне, алған жеңістері мен ерен ерліктеріне терең бойлай елімізге бейбіт өмір сыйлаған, ғасырлар бойы тынбай күрестің арқасында жаңа даңғазадай даңғыл жолдың есігі айқара ашылғандай.
Тәуелсіздік –ұлы мұрат, қастерлі ұғым. Себебі, қаншама халық бұл айтулы күнге жете алмастан тарихи сахнадан біржола жоғалды. Демек бұл жолда үлкен жолды салу кез-келген елдің абыройлы еңбегі деп білемін! Ал, бүгінгі тәуелсіз мемлекеттірдің әрқайсысы өз мемлекеттілігін құруда сан қырлы белестерден өтті. Бүгінде байтақ ел, сәулетті Қазақстан дамудың даңғыл жолына түсті. Қазақ халқының сан ғасырлық арманы болған Тәуелсіздіктің маңыздылығы мен тарихы жайында айта берсек әңгіменің шегіне жетпеспіз, әрине! Дегенмен Тәуелсіздік экономика мен саясатта ғана емес жеке адамдардың да өміріне өзгеріс, жақсылық, табыс, жетістік әкелді. Болашаққа деген сенім мен үміттің нәтижесінде, бүгінде еліміздің керегесі кең, терезесі тең. Біз үшін ана тіліміз, санамыз, мәдениетіміз бодандық құрсауынан босап, тәуелсіз дамуы өте маңызды, әрі құнды. Сондықтан бүгінгі күні халқымыз өткеннен қалған тарихи өнегені, отансүйгіштікті, ұлтына деген махаббатты жоғалтпай, әрі қарай жастардың патриоттық сезіміне енгізуге ерекше көңіл бөлуі керек деп ойлаймын.
Тәуелсіз елімнің шоқтығы биік, тарих сахнасында мәңгілік сақталатынына сенімім мол!
Уюмдасова Альмира Асқарқызы
Орал қаласының мамандандырылған
тергеу сотының жеткеші маманы
[xfvalue_img]
13 пікір