Қазақстанның болашағы – қазақ тілінде
Қазақ тілі – Қазақстан Республикасының мемлекеттік тілі болып табылады. Қазақ тілі – әлемдегі тілдердің ішіндегі ең бай, келбетті тілдердің бірі. Қазақ тілі қазақ халқының ана тілі.
Мемлекеттік тіл егемен еліміздің негізгі рәміздерінің бірі. Кез келген өркениетті елдің өзінің рәміздері, шекарасы болатыны секілді мемлекеттік тілі де болады. Біздің Ата Заңымызда «Қазақстан Республикасының мемлкеттік тілі – қазақ тілі» деп жазылған. Әрбір Қазақстандық Ата заңымыздың талаптарын орындап, қазақ тілінде сөйлеуге міндетті. Тіл ұлт пен ұлтты жақындастыратын ең үлкен қатынас құралы.
Тіл – ұлттың құндылығы, байлығы. Мемлекеттік тілді білу ол азаматтық патриотизм мен Отанға деген сүйішпенділіктің негізі бола отырып, ел азаматтарын біріктіретін күш.
Мемлекеттік қызметте жүрген азаматтарымыздың мемлекеттік тілді білуі міндеттелуі тиіс. Оларға мемлекеттік деңгейде қажеттілік болатындай талап болуы керек. Осындай сұраныс арқылы ғана тіл мәселесін түбегейлі, толық шеше аламыз.
Қазақ тілі – халқымыздың рухани байлығы, атадан балаға, ұрпақтан-ұрпаққа мирас болып қалып отырған баға жетпес асыл мұра. Ана тілдің қасиеті туралы қанша айтсақ та таусылмайды. Азаматтың қолындағы барлық асыл заттары тозады, жоғалады, ал тіл тозбайтын ең қымбат мұралардың бірі. Қазақтың біртуар ақыны Мағжан Жұмабаев: «Ұлтқа тілінен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс тіршілігі, мінезі айқын көрініп тұрады» – деген. Тіл байлығы – әрбір ұлттың мақтанышы. Әр азамат өзінің ана тілін, көзінің қарашығындай қарауы және ана тілінің орынсыз шұбарлануына қарсы тұруға тиіс.
Орал қалалық сотының бас маманы Утилиева Д.А.
[xfvalue_img]
22 пікір