«Әдеп кодексі – мемлекеттік қызметкерлердің бағдаршамы»

Әдеп кодексі мемлекеттік қызметшілердің моральдық-әдептілік бейнесіне жоғары талаптар қояды және жалпы қабылданған талаптарды, сондай ақ мінез-құлқының негізгі стандарттарын белгілейді.

Әдеп кодексінің басты міндеті – сыбайлас жемқорлықтың алдын алуға және қызметтік әдеп нормаларын бұзушылықтардың, оның ішінде мемлекеттік қызметке кір келтіретін тәртіптік теріс қылықтардың профилактикасына бағытталған іс-шараларды әзірлеу, мемлекеттік қызметшілердің мемлекеттік әдепті сақтаудағы жауапкершілік деңгейін арттыруды қамтамасыз ету жөніндегі шараларды қабылдау, әдеп жөніндегі  уәкілдердің қызметін  үйлестіру және мемлекеттік органдардың тәртіптік комиссияларымен өзара іс-қимыл мәселелері бойынша ұсынымдар мен ұсыныстар әзірлеу болып табылады.

Әдеп кодексіне сәйкес Қазақстан Республикасының мемлекеттік қызметшілерінің моральдық-адамгершілік бейнесіне және іскерлік қасиеттеріне қойылатын талаптар күшейе түсті.

Мемлекеттік  қызметшілердің сырт келбеті олардың қызметтік міндеттерін орындау кезінде мемлекеттік аппараттың беделін нығайтуға ықпал етуге, іскерлікпен, ұстамдылықпен және ұқыптылықпен ерекшеленетін жалпы қабылданған іскерлік талаптарына сай болуға тиіс.                                                 

Мұғалжар аудандық сотынының қызметкерлерінің арасында үнемі Әдеп туралы отырыс-кеңестер өткізіліп отырады. Қазіргі таңда Мұғалжар аудандық сотынның  қызметкерлері арасында Әдеп кодексіне қайшы келетін теріс қылықтармен тіркелген қызметкерлер жоқ.

Әр мемлекеттік қызметші әдеп нормаларының бұзылуының жолын кесуге немесе оларды болдырмау жөнінде өзгеде шаралар қабылдауы, қоғамға жат мінез-құлыққа жол бермеуі тиіс.Ұжымда іскерлік және сыпайылық өзара қарым-қатынасты орнату мен нығайтуға ықпал ету керек.

Аудандық сот ғимаратында әр қызметкер өзіне бекітілген смарт-карталарын жұмысқа келген және жұмыстан жұмыс аяғында шыққан уақытта өткізетін жүйе орнатылған, бұл жүйе арқылы қызметкерлердің жұмысқа уақытылы келіп кетуін бақылауға арналған.

Мемлекеттік қызметшілерден әдеп кодексімен белгіленген талаптарды бұлжытпай сақтап, үнемі орындау талап етіледі.

Мұғалжар аудандық сот әкімшісінің

басшысы А.Т.Иманбекова