Мемлекеттік тілге қатысты семинар
Ақжайық аудандық сотында сот мамандарының және аудандық прокуратура, пробация қызметінің өкілдерінің қатысуымен мемлекеттік тілді қолдану бойынша семинар өтті.
Сот әкімшісінің басшысы А. Нұрым шараны ашып, мемлекеттік тілге қатысты іс жүргізуде және құжат айналымындағы мәселелерге тоқталып, тіл қоғам қатынасының тірегі, асыл мұра, қасиетті қазына екендігін атап, іс жүргізуде мемлекеттік тілді қолдану үстемдігін, тәртібін нығайтып, заңмен негізделген талаптарды орындау міндет екендігін жеткізді.
Тіл бойынша іс жүргізу қағидаттарын үнемі сақтап, сонымен қатар құжат айналымында да құжаттарды ресімдеу тәртібінің дұрыс қалыптасуын және үлесін өз дәрежесіне көтеру қажеттігін айтты.
Қатысушылар тақырып бойынша пікір алмасып, мемлекеттік тілді қолдану аясын нығайтуды назарға алды.
Ақмарал Нұрым
Батыс Қазақстан облысы
Ақжайық аудандық соты әкімшісінің басшысы
[xfvalue_img]
