Электрондық құжат айналымы

Электрондық құжат айналымы - құжаттармен жұмысты ұйымдастыру әдісі, Интернет арқылы ұйымдар арасында, электрондық құжаттардың түпнұсқаларын айырбастауға арналған, мамандандырылған электрондық қызмет.

Электрондық құжат айналымы жүйесі - бұл жөнелтуші мен алушы арасындағы құжаттарды дайындауды, ресімдеуін, бекітуін, орындалуын бақылауды қамтамасыз ететін және осы құжаттардың электронды байланыс каналдары арқылы, қозғалысын қамтамасыз ететін, бағдарламалық шешім.

Электрондық құжат айналымы жүйесінің көмегімен құжаттармен алмасуды ғана емес, сонымен қатар оңтайландыруға және автоматтандыруға болады:

• өтініштермен және ұсыныстармен жұмыс;
• кадрлық процестер;
• бірлескен құжаттар айналымы;
• жауапты тұлғалардың құжаттарды бекітуі.

Сыртқы жүйелермен және мемлекеттік органдардың мәліметтер базасымен біріктірілген бірыңғай ақпараттық жүйені құру жұмысын жүргізу үшін сот органдарының «ТӨРЕЛІК» деп аталатын ақпараттық-талдамалық жүйесі бар. Аталған жүйе 2014 жылы әлемдегі озық тәжірибе негізінде жасалды. Жүйе ақпараттық деректермен алмасуға жедел қолжетімділікті және жоғары сенімділікті қамтамасыз етеді және автоматтандырылған есеп пен процессуалдық мерзімдердің сақталуына бақылау жасау, статистикалық және талдамалық есептерді қалыптастыру, іс қағаздарын жүргізу мен сот ісін жүргізуді жеңілдету секілді міндеттерді шешеді.  

Электронды сот өндірісін жаңғырту шеңберінде онлайн-сервистер жұмыс жүргізуде. Олардың қатарында «Сот кабинеті» сервисі бар. Аталған сервис сот органдарының онлайн-сервистері мен қызметтеріне «бір терезе» қағидаты бойынша қол жеткізуге мүмкіндік береді.

 «Сот құжаттарымен танысу» сервисі бойынша сот істеріне қатысты мәліметтерге қол жеткізуге кететін уақыт айтарлықтай қысқарды. Аталған қызмет азаматқа электронды сот құжаттарын қарауға мүмкіндік береді.

Электрондық құжат айналымын енгізу, органдарының дамуындағы маңызды қадам болып табылады, ол уақыт пен ақшаны үнемдеуге көмектесіп қана қоймайды, сонымен қатар, ұйымды - бәсекелестер арасынан, жақсы ажыратады. 

Д.Тогайбаева 

Қылмыстық істер жөніндегі

мамандандырылған ауданаралқ әскери сотының

бас маман-сот отырысының хатшысы