Электронды сот жүйесі
Еліміздің сот жүйесі құқықтық мемлекеттің қажеттілігіне және заман талабына сәйкес үздіксіз жетілдіріліп келеді. Республикамыздың соттары ақпараттық-сараптамалық жүйені тәжірибеге енгізді. Электронды сот төрелігі соттардың қызметі туралы ақпаратқа қол жеткізуді қамтамасыз етеді. Соттарда электронды технологияларды қолдану-процеске қатысушы азаматтарға қолайлы жағдай жасады, сонымен қатар, сот актілерінің сапасын көтеру мен істерді қарау мерзімін жылдамдатты.
Сот кабинеті –бұл электрондық, ақпараттық сервис, ол сот органдарының онлайн сервисіне қолжетімді бірыңғай терезе болып саналады, сот ісін жүргізуді жеңілдету және азаматтар үшін сот жүйесінің қолжетімділігін қамтамасыз ету мақсатында іске асырылған.
Осы уақыт ішінде соттағы ашықтықты арттыруға, жұмыстың азаматтар үшін тиімді, қолжетімді болуына назар аударылды. Әсіресе жаңа технологияның сот билігін халыққа неғұрлым жақындата түскені рас.
Осы сервистің негізгі ерекшелегі адамдар, тұлғаның өкілі немесе заңгерлер кез-келген ыңғайлы уақытта, үйінен немесе кеңседен шықпай-ақ интернет желісі арқылы сот құжаттарын жолдап оны қарай алады. Әрбір сотқа жүгінген адам « Сот кабинеті» арқылы арыз беру үшін Халыққа қызмет көрсету орталығынан цифрлы қолтаңба алуы қажет. Қазіргі таңда сот кабинетін пайдалану соттың да сотқа жүгінген тұлғалардыңда уақыты мен жұмысын азайтады. Интернетке қосылуға мүмкіндігі жоқ азаматтарға халыққа қызмет көрсету орталағанда электронды бұрыштар ұйымдастырылған. Барлық келушілерге өкілетті оператор «Сот кабинеті сервисін қалай пайдалану керектігін түсіндіріп, қажетті құжаттарды электронды түрде жіберуге көмек береді. Қазіргі уақытта «Сот кабинеті»бағдарламасы мобильдік қосымшасы жұмыс істеуде. Бұл сот жұмысының ашықтығы мен жариялылығын жетілдіре түседі.
Адамдардың сотқа деген сенімін одан сайын арттыру мақсатында осы бағыттағы жұмыстар алдағы уақытта да жалғасын табатын болады.
Жаңақала аудандық сотының
жетекші маманы Н.Жакупова
[xfvalue_img]
