Бизнес су мен пластикалық іздерді азайту тәжірибесімен бөлісті

Практикалық тәжірибемен алмасу 20 тамызда Астанада өткен іс-шараның негізі болды, онда Smart Water Zone және Smart Plastic Zone жобаларының қатысушылары осы жылы екінші рет өз салаларында енгізілген практикаларды ұсыну үшін жиналды.

«Осы екі экологиялық бастамаға қатысушылардың жиынтық қамтылуы бүгінде Қазақстан бойынша 90 компаниядан асты. Әсіресе, жауапты бизнес үшін ұйымның көлемі маңызды емес екенін атап өткім келеді. Скептиктерді жеңіп, өзгеріп, шешімдерді практикаға енгізу маңызды», - деп атап өтті GreenUrban Қауымдастығының Төрағасы Юлия Якупбаева.

Бүгінгі таңда Smart Water Zone сегіз өңірден 16 қатысушыны біріктіреді және жалпы ауданы 85,8 млн м² нысандарды қамтиды; бір жыл ішінде олардың жиынтық су тұтынуы 18,8 млн м³ қысқарды.

Smart Plastic Zone өз кезегінде жалпы ауданы 5,5 млн м² болатын 14 өңірде 80-нен астам ұйымға дейін өсті. Екі жобаға да қатысу тегін болып қалуда: ұйымдар қолданыстағы практикаларды ұсына алады, верификациядан өтіп, одан әрі жақсарту бойынша ұсынымдар ала алады.

«Мұндай жобалардың құндылығы - практикалық шешімдер төңірегінде әртүрлі ұйымдарды біріктіру және оларға тәжірибе алмасу үшін кеңістік беру мүмкіндігінде. Компаниялар өздерінің тәсілдері мен нәтижелерімен бөліскен кезде, табысты практикалар кеңірек таралуға мүмкіндік алады», - деп атап өтті Александра Аккирман, Coca-Cola-ның Орталық Азия мен Кавказ өңіріндегі үкіметпен байланыс, коммуникациялар және тұрақты даму жөніндегі аға директоры.

СРИМ Су үнемдеу технологияларын дамыту департаментінің директоры Ербол Салихбаев Су кодексінің нормаларына сәйкес ұйымдардың су тұтынуын азайту және тиісті жоспарларды дайындау бойынша KPI орнатудың маңыздылығын атап өтті.

Ал «Бәйтерек» ҰИХ АҚ Басқарушы директоры Әлия Мырзағалиева Холдингтің ұйымдарға қаржыландыру беруі кезіндегі тұрақтылықтың құнды құрамдас бөлігін атап өтті. Холдингтің өзі де Smart Zone жобаларына қатысып, оларды ақпараттық қолдауға дайын екендігін мәлімдеді.

Практикалық бөлім аясында түрлі салалардың өкілдері сөз сөйледі. «GALANZ Bottlers» АҚ экологы Чингиз Ходжалаков тамақ өндірісіндегі суды үнемдеу туралы айтып берді. Қонақ үй секторының тәжірибесін Rixos Borovoe менеджері Екатерина Шилова ұсынды. ҚазҰАЗУ және ҚБТУ проректорлары - Рафис Абазов пен Сәуле Тлевлесова өз университеттерінің су ізін азайту стратегиясы туралы айтып берді. Ал Қостанайдың эко-белсендісі, «Рух» әлеуметтік даму орталығы» ҚҚ-ның қызметкері Динара Шадрина өз өңірінің тұрғындарын пластикалық ізді азайтуға тарту практикасымен бөлісті.

The Ritz-Carlton, Astana және RES Network өз практикаларын креативті форматта - бейнероликтер арқылы ұсынды. Елордалық қонақүйдің жаңбыр суын жинау тәжірибесі іс-шараға қатысушылардың үлкен қызығушылығын тудырды.

Марапаттау рәсімі аясында Smart Water Zone белгілерін Rixos Borovoe, «Ембімұнайгаз» АҚ, «Qarmet» АҚ, ҚБТУ, ҚазҰАЗУ, «Су ресурстары - Маркетинг» ЖШС, Spaces БО, «ҚТЖ-Жолаушылар локомотивтері» ЖШС, ЖК «Галадий Р.С.» және Zaman мектебі алды. Smart Plastic Zone аясында Нархоз университеті, «Рух» әлеуметтік даму орталығы» ҚҚ және «Qarmet» АҚ Астана кеңсесі марапаттарға ие болды.

Smart Water Zone қатысушыларының практикалары жинақталған тәжірибені Қазақстанның басқа компаниялары мен салаларында қолдануға болатындай аналитикамен және ұсынымдармен қорытынды жылдық салалық шолуға кіреді.

Жобалар мен қатысу туралы толығырақ: Smart Water Zone және Smart Plastic Zone. 

Анықтамалық:

Smart Water Zone және Smart Plastic Zone жобаларын Green Urban Қауымдастығы және Coca-Cola Kazakhstan іске асырады, негізгі орындаушы «GPI-Lab» ЖШС болып табылады. Smart Water Zone жобасы бойынша ақпараттық қолдау – СРИМ және «Бәйтерек» ҰИХ.