«Тұрғын үймен қамтамасыз ету орталығы» жүйесі баспаналарды автоматтандырылған режимде бөлуге мүмкіндік береді
ҚР Өнеркәсіп және құрылыс министрлігі «Тұрғын үймен қамтамасыз ету орталығы» ақпараттық жүйесін әзірлеу туралы хабарлайды.
2024 жылғы 22 қарашада Президент «Тұрғын үй саясатын реформалау туралы» заңға қол қойғанын еске саламыз. Заң аясында әкімдіктердің тұрғын үйді тіркеу, есепке алу және бөлу функциялары «Отбасы банкіне» беріледі. Сонымен қатар, Заң 2024 жылғы 4 желтоқсанда күшіне енген жекешелендіру ережелерін қоспағанда, 2025 жылғы 24 мамырда күшіне енеді.
Бүгінгі таңда «Отбасы банкі» базасында берілген функцияларды орталықтандырылған түрде жүзеге асыратын «Тұрғын үймен қамтамасыз ету орталығы» ақпараттық жүйесі әзірленеді.
Ақпараттық жүйе сегіз мемлекеттік деректер базасымен біріктірілген. Қазіргі уақытта 120 мыңнан астам қызмет көрсететін Smart Data Ukimet жүйесімен интеграциялау соңғы сатыда.
Бірыңғай ақпараттық жүйені құру «бір терезе» қағидатын қамтамасыз етеді. Азаматтардың барлық өтініштері онлайн қабылданып, баспана автоматтандырылған режимде бөлінетін болады.
Әрбір өтінім үшін отбасының цифрлық портреті жасалады, ол кірісті, мүлікті және активтерді көрсетеді.
Енді тұрғын үйді тіркеу және мемлекеттік қолдау шараларын бөлу туралы шешімдерді «Отбасы банкі» ақпараттық жүйе арқылы қабылдайтын болады.
Бүгінгі күні тіркелген азаматтар туралы ақпарат пилоттық негізде қабылданып, «Тұрғын үймен қамтамасыз ету орталығы» ақпараттық жүйесін тестілеу жүргізілуде.
[xfvalue_img]
