Алматы қ. Бостандық ауданының сот актілерін орындау жөніндегі бөлім басшысының міндетін атқарушы пара алғаны үшін күдікке ілінді
Сыбайлас жемқорлыққа қарсы қызмет Алматы қаласының әділет департаментінің ішкі қауіпсіздік және персоналмен жұмыс жөніндегі бөлімнің қызметкерлерімен бірлесіп Алматы қаласы әділет басқармасының Бостандық ауданы бойынша сот актілерін орындау жөніндегі аумақтық бөлімі басшысының міндетін атқарушысын сыбайлас жемқорлық қылмысын жасау күдігі бойынша әшкереледі.
Ол сот актісін орындамау фактісі бойынша мүлікке тыйым салу шарасын қолданбау және ішкі істер органдарына материалдарын жібермеу үшін ЖШС директорынан 2 млн. теңге сомасында пара алды деп күдіктелуде.
Күдіктінің өз кінәсін толық мойындауына және оның сотқа дейінгі тергеуді жеңілдетілген өндірісте аяқтау туралы өтінішіне байланысты оған қатысты процессуалдық ұстау қолданылған жоқ.
Күдікті кінәсінің деңгейін анықтай отырып, оған қатысты соңғы шешімді сот шығарады.
видео: https://www.youtube.com/watch?v=Q7zjvyPhUTE&feature=youtu.be
ҚР сыбайлас жемқорлыққа қарсы қызметі
[xfvalue_img]
