Елордалық кәсіпкерлер жасанды әкімшілік кедергіге байланысты конкурсқа қатыса алмады
Астана қаласы бойынша Сыбайлас жемқорлыққа қарсы қызметке кәсіпкерлер мектептерде тамақтандыру қызметтерін ұсыну бойынша Мемлекеттік сатып алуды өткізу қағидаларын бұзғаны үшін шағым түсірді.
2022 жылғы 10 тамызда білім алушылардың тамақтануын ұйымдастыру қағидаларына түзетулер енгізілді, оған сәйкес техникалық тапсырмаға білім беру органы бекіткен перспективалық мәзір-тағамдардың атауын, тағамдардың граммдағы бөлігінің массасын, тағамдардың ингредиенттерін (граммен) көрсете отырып орналасу қоса беріледі.
Алайда, қаланың білім басқармасы мәзір-орналасуды әзірлеуден және бекітуден жалтарып, жалпы білім беретін мекемелерде тамақтану қызметтерін сатып алу бойынша конкурстық рәсімді өткізудің бұзылуына алып келді.
Кәсіпкерлердің өздері бұл мәселеге назар аударды, өйткені бұл құжат ұсынылатын қызметтердің құнын есептеу үшін негіз болып табылады және мұндай конкурсты өткізу жосықсыз тамақ жеткізушілерін тартуға әкелуі мүмкін.
Астана қаласы бойынша сыбайлас жемқорлыққа қарсы қызметпен Ішкі мемлекеттік аудит комитеті басшылығының, ҚР ҚМ "Электрондық қаржы орталығы" АҚ, Оқу-ағарту министрлігі, Білім басқармасы, Активтер және мемлекеттік сатып алу басқармасының қатысуымен 5 жұмыс кездесуі өткізілді.
Нәтижесінде, елордалық Сыбайлас жемқорлыққа қарсы қызмет департаментінің ұсынысы негізінде тамақтану қызметтеріне тең қолжетімділікті қамтамасыз ету және елорданың 94 969 оқушысына тамақтану қызметтерін ұсыну бойынша сапалы қызмет көрсету үшін тамақтандыруды ұйымдастыру қызметтері бойынша 38 конкурстың күші жойылды.
[xfvalue_img]
