Ауқымды пысықтау: Жамбыл облысында мектеп бітіру кештерін мерекелеу оқыс оқиғасыз өтті
Өңірде мектеп бітіру кештері кезеңінде құқық бұзушылықтар мен қылмыстардың алдын алу, сондай-ақ кәмелетке толмағандарды қылмыстық ортаға кіргізбеу мақсатында кең ауқымды жұмыс жүргізілді.
Полиция қызметкерлері жастар көп жиналатын жерлерде патрульдік қызмет жасақтарын күшейтті, жаяу және автопатрульдеуді ұлғайтты, шомылу орындарын бақылауға алды.
Қоғамдық тәртіпті бұзбау, оның ішінде мектеп түлектерінің қатысуымен жол-көлік оқиғаларына жол бермеу үшін жағдайды бақылау бойынша жедел штабтар жұмыс істеді.
Ойын-сауық мекемелері құқық қорғау органдарының назарында болды. Мектеп бітіру кештеріне арналған барлық іс-шараларда ювеналды полиция қызметкерлері мен учаскелік инспекторлар қатарынан кезекші жасақтар қойылды, олар іс-шара басталғаннан бастап оның аяқталуына дейін түлектермен және олардың ата-аналарымен бірге жүрді.
Түнгі рейд барысында кәмелетке толмағандардың жүруі мүмкін ойын-сауық орындары, саябақтар, скверлер, аллеялар мен аулалардың барлығы ювеналды полицейлердің назарында болды.
- Мобильді топтар 60-тан астам әкімшілік құқық бұзушылықты, оның ішінде кәмелетке толмағандардың заңды өкілдерінің еріп жүруінсіз тұрғын үйден тыс жерде болуының 51 дерегін анықтады. Сағат 22:00-ден кейін ата-анасыз ойын-сауық орындарында 8 кәмелетке толмаған жасөспірімнің болуына жол бергені үшін 3 кафенің иесі әкімшілік жауапкершілікке тартылды. 21 жасқа толмаған адамға алкогольдік ішімдіктерді сатудың 1 дерегі, ата-ана міндеттерін тиісінше орындамаудың 1 дерегі анықталды. Жалпы күш-жігерімізбен біз бұл күнді оқыс оқиғасыз өткізіп, жасөспірімдердің ойластырылмаған әрекеттерінің теріс салдарын болдырмауға қол жеткіздік, - деді Жамбыл облысы Полиция департаментінің Жергілікті полиция қызметі басқармасы ювеналды полиция тобының ерекше тапсырмалар жөніндегі аға инспекторы полиция майоры Әлішер Қалышев.
[xfvalue_img]
