"Қостанайлық кәсіпкерге жеңілдікті несие алуда заңсыз кедергілер жасалған"
Қостанай облысы бойынша Сыбайлас жемқорлыққа қарсы қызметке жеңілдікті несие алу кезіндегі жасалған кедергілер мәселесі бойынша кәсіпкер жүгінді.
Рудный қаласының жұмыспен қамту орталығы кәсіпкерге 2,5% - бен 5 млн. теңге көлемінде жеңілдікті несие алуға өтінім қабылдаудан бас тартқан.
Негіздеме ретінде кәсіпкердің өткен жылдың тамыз айында 400 айлық есептік көрсеткіш көлемінде грант алғаны және оны алған сәттен бастап 1 жыл өтпегені келтірілген, ал гранттар беру ережелерінде мұндай шектеулер көзделмеген.
Департамент мүдделі органдардың қатысуымен кездесу ұйымдастырып, қорытындысында кәсіпкердің кредит алуға өтінімі қабылданды.
Қостанай облысы бойынша ҚАПК
[xfvalue_img]
