Қазақстанда тұңғыш рет Атлант мұхиты арқылы ұшуға арналған көрме өтуде

Сәуірдің 19-і күні Maqsut Narikbayev University-де Атлант мұхиты арқылы алғашқы ұшуға арналған көрменің салтанатты ашылу рәсімі өтті. Ашылу рәсіміне Португалия Елшісі Мария де Фатима Мендес пен Бразилия Елшісі Рубема Корреа Барбоза қатысты.

Бұл көрменің мақсаты – Карлос Виегас Гаго Коутиньо мен Артур де Сакадура Фрейре Кабраланың бастамасымен навигациямен жүзеге асырылған Атлант мұхиты арқылы алғашқы әуе саяхаты туралы айту. Бразилия Республикасының сайланған президенті Эпитасио Пессоаның 1919 жылдың маусымында Португалияға ресми іс-сапарға барды. Сол кезде екі «бауырлас республика» арасындағы қарым-қатынасты нығайту туралы мәлімдемесі Карлос Виегас Гаго Коутиньо мен Артур де Сакадура Фрейре Кабраланы шабыттандырған болатын. Көрме осы оқиғаның маңыздылығын көрсетуге бағытталған.

«1922 жылдың 17 маусымында аяқталған Карлос Вигас Гаго Коутиньо мен Артур де Сакадура Фрейре Кабралдың Лиссабон мен Рио-де-Жанейро арасындағы ұшақпен ұшқан ерлік - өткен мен бүгінді байланыстыратын маңызды жетістік болып қала береді. Бұл XV-XVI ғасырлардағы португал теңізшілерінің батылдылығы мен табандылығы Еуропадан Үндістанға жаңа жол құрып, Бразилияны ашқанын еске түсіреді. Бүгінгі таңда бұл рейс Лиссабон мен менің елім арасындағы әуе компаниясының ашылуына шабыт болды. Сондай-ақ  әлі де ескі және жаңа континенттерді байланыстыру үшін маңызды әуе компанияларының таңдаған бағыты болып есептеледі», - деді Бразилия Елшісі Рубема Корреа Барбоза.

Португалия Елшісі Мария де Фатима Мендес екі ел арасындағы байланыстар бірнеше ғасыр бұрын тарихтан бастау алғанын атап өтті. «Бразилия біз үшін өте маңызды ел. Себебі бірнеше ғасырлар бойы қалыптасқан ортақ тарихымыз бар. Екі ел бөлініп кетсе де, бір-бірімізге қолдау көрсетуді тоқтатпаған болатынбыз. Өткен жылы біз маңызды күндердің бірі, яғни Бразилия тәуелсіздігінің 200 жылдығын атап өттік. Ал осы көрме ерекше күннің мерейін сабақтастыратын жалғасы болды».

MNU Басқарма төрағасының орынбасары Айнұр Карбозова Португалия Елшісі Мария де Фатима Мендес пен Бразилия Елшісі Рубем Корреа Барбозаға студенттерге тарихи әуе өткелімен танысуға мүмкіндік бергені үшін алғысын білдіре отырып, бұл бастама студенттердің ой-өрісін кеңейтіп қана қоймай, әлемге кең тарихи контексте қарауға мүмкіндік бергенін атап өтті.

Елші Мендес Португалия үкіметі мен халқын авиациялық жетістігінің жүз жылдығын мерекелеуге байланысты жылы лебізін білдіріп, университетке осы көрмені қолдағаны үшін алғысын білдірді.