СҚО-да кәсіпкер екі жылдан астам уақыт бойы жер мәселесін шеше алмай келген - Антикор
Солтүстік Қазақстан облысының Сыбайлас жемқорлыққа қарсы қызметіне Айыртау ауданы әкімдігінің жер учаскесіне уақытша өтеулі жер пайдалану құқығын беру жөніндегі жер комиссиясын өткізуден бас тарту фактісі бойынша ШҚ басшысы жүгінді.
Серіктестіктердің бірінің қатысушылар құрамынан 1285 га жер үлесін бөле отырып шыққан кәсіпкердің айтуынша, оның ішінде жалпы ауданы 924 га учаскелерге жерге орналастыру жобалары әзірленген және барлық жер учаскесін толық мемлекеттік тіркеуден өткізу үшін 361 га жер жобасын әзірлеу қажет болған.
Жер кодексіне сәйкес жер учаскесіне жерге орналастыру жобасын әзірлеудің алдында жер комиссиясының оң қорытындысын алу рәсімі өтеді.
Алайда, осы кезеңде Айыртау ауданының жергілікті атқарушы органының жауапты қызметкерлері кәсіпкерге екі жылдан астам уақытқа созылған әкімшілік кедергі тудырған.
Аудан басшылығымен өткізілген диалог алаңының нәтижесінде жер комиссиясы өткізіліп, кәсіпкердің өтінішін қанағаттандыру туралы шешім қабылданды.
[xfvalue_img]
