Кәсіпкерге «бизнеске жол» жобасы аясында банктік шоттар бойынша шектеулерді алып тастауға көмектесті
Астана қаласы бойынша сыбайлас жемқорлыққа қарсы қызмет кәсіпкерлердің құқықтарын қорғау жөніндегі жұмыс тобының өкілдерімен бірлесіп банк шоттары бойынша салық органының шектеулерін алып тастау жолымен кәсіпкердің құқықтары қалпына келтірді. Сарыарқа ауданының МКБ салық есептілігін ұсынбау себебінен дара кәсіпкердің банктік шоттары бойынша шығыс операцияларын тоқтатты. Кәсіпкердің барлық ескертулерді жойғанына қарамастан, салық органы банктік шоттар бойынша шектеулерді уақтылы қайтарып алған жоқ. Салық кодексінің 118-бабына сәйкес мұндай шектеу ескертулер жойылғаннан кейін бір жұмыс күні ішінде алынып тасталуы тиіс.
Жүргізілген жұмыстың нәтижесінде салық органы банк шоттары бойынша шығыс операцияларын тоқтата тұру туралы өкімді кері қайтарып алды. Мұндай бұзушылықтарды болдырмау мақсатында Сарыарқа ауданының МКБ қызметкерлерімен тиісті әңгіме және нұсқама өткізілді.
[xfvalue_img]
