Тәуекел дәрежесін бағалау негізінде ерекше тәртіп бойынша жүргізілетін тексерулердің күшін жою туралы
Маңғыстау облысы бойынша Мемлекеттік кірістер департаменті 2023 жылғы 1 қаңтардан бастап тәуекел дәрежесін бағалау негізінде ерекше тәртіппен жүргізілетін тексерулердің жойылғанын, олар Салық кодексінде тексерулердің жаңа түрі - тәуекел дәрежесін бағалау негізінде мерзімді салықтық тексерулер ретінде енгізілгенін хабарлайды. Мұндай тексерулерді тағайындау ерекше тәртіппен жүргізілген тексерулерге ұқсас. Бұл туралы ҚР ҚМ Мемлекеттік кірістер комитетінде хабарлады.
Сонымен қатар, бизнеске қолайлы жағдайлар жасау мақсатында Салық кодексінің (146-бап) ережелерімен Мемлекеттік кірістер органдарының хронометраждық тексеру жүргізу мерзімдерін 30 жұмыс күнінен артық ұзарту мүмкіндігі алынып тасталды.
Бұл ретте, салық төлеушінің салықтық тексеру актісін алудан бас тартқан жағдайлары үшін куәгерлерді тарта отырып хаттама (акт) жасау жолымен тексеру актісін тапсыру рәсімі регламенттелген (158-бап). Мәселен, іс жүзінде мемлекеттік кірістер органында тексеру актісін алудан бас тартуға байланысты белгіленген мерзімде салықтық тексеруді аяқтау мүмкіндігі болмаған жағдайлар туындайды. Осыған байланысты, мұндай жағдайларда куәгерлерді тарта отырып, хаттама (акт) жасалуы мүмкін және мұндай хаттама (акт) жасалған күн актіні тапсыру күні болып есептеледі.
[xfvalue_img]
