Қоғамдағы әйелдердің нашақорлығы.

Есірткіні үнемі қолдану әйелдің де, еркектің де денесіне теріс әсер етеді. Дегенмен, әйелдерде тәуелділік 1,5 - 2 есе тезірек пайда болады. Әлеуметтік тұрғыдан әйелдер мен ерлердің есірткіні қабылдаудың салдары бірдей маңызды, ал себептері айтарлықтай ерекшеленеді.

 Әйел адамдардың көпшілігі үшін есірткі алкоголь сияқты депрессияға және өзін-өзі төмен бағалауға қарсы тұру тәсілі болып табылады. Әйелдердің айтарлықтай бөлігі есіткіні бірінші рет қысыммен немесе досының, серіктесінің, нашақор болып табылатын үлкен беделді туыстарының ұсынысы бойынша қабылдайды. Бұл әйелдердің қауіпті және емдеуге қиын ауру - есірткіге тәуелділігінің басты себебі.

  Болашақта бұл әрекет неге алып келуі мүмкін?

     Ең үлкен зиян репродуктивті жүйеге әсер етеді. Есірткі заттарын қабылдаған әйел жатыр түтіктерінің бұзылуына байланысты ұрықтандыру қабілетін жоғалтады. Егер жүктілік болса да, өздігінен түсік түсіру немесе физикалық және ақыл-ойы бұзылған баланың туылу қауіпі өте жоғары.

Есірткі қолданатын әйелдерде ішкі ағзалардың (бауыр мен бүйректің) бірте-бірте бұзылуы, қартаюдың ерте белгілері болады, жасына, әлеуметтік жағдайына және есірткі түріне қарамастан психикалық деградация байқалады.

Есірткілердің орасан зор зияны әйелдің айналасындағы қоғаммен қарым-қатынасында көрінеді.

• нашақорлықтың салдарынан қызметтік міндеттерін елеусіз қалдыру, жұмысқа келмеу, қоғамға жат мінез-құлық жұмыстан шығару немесе қабылдаудан бас тартуға себеп болуы мүмкін, ал ұсқынсыз әдеп пен шатастырылған ойлар кез келген жұмыс берушіні қорқытуы мүмкін;
• ата-ана құқығынан айырылу;
• есірткі заттарын пайдаланғаны немесе таратқаны үшін бас бостандығынан айырылу;
• әлеуметтік байланыстардың жоғалуы (туыстарымен, достарымен, әріптестерімен, көршілерімен);
• АИТВ-инфекциясы және жыныстық жолмен берілетін инфекцияларға шалдығу;
• кездейсоқ жыныстық қатынастар.

Есірткіге тәуелді әйелдерде АИТВ инфекциясы стирильді емес шприцтер мен инелер арқылы жұқтырған қан арқылы берілуі мүмкін. Алдын алу мақсатында ЖИТС орталығының құрылымдық бөлімшелері: сенім пункттері, достық кабинеттері құрылды. Сенім пунктінің жұмысына аутрич-қызметкерлер тартылып, олар ЖИТС орталығына және үкіметтік емес ұйымдарға өз еркімен көмек көрсетеді. Ақпараттық-түсіндіру жұмыстары дегеніміз – жалпы халық арасында АИТВ-инфекциясының таралуын төмендетуге ықпал ететін, АИТВ-инфекциясының қаупін төмендететін мінез-құлыққа үйрету, АИТВ/ЖИТС-тың алдын алу бойынша кеңес беру, пайдаланылған шприцтерді стерильдіге ауыстыру, жеке қорғаныс құралдарын (презервативтер) тарату, АИТВ және ЖИТС-тың алдын алу бойынша ақпараттық материалдармен қамтамасыз ету, АИТВ-позитивті және ЖИТС-пен ауыратын науқастарға қолдау көрсету және көмек көрсету. Мекен-жайымыз: Нұр-Сұлтан қаласы, Есенберлин көш., 5/1, тел.: 38-07-02, 38-04-64. www.kazaids.kz/

Әйелдер нашақорлығына немқұрайлықпен қарамай, ақпараттармен танысып, әйел адамға нашақорлықты жеңуге көмектесіңіз.

Алдын алу бөлімінің дәрігер эпидемиологының көмекшісі Булашева В.А.