Алиментті қасақана төлемегендер қылмыстық жауапкершілікке тартылды
Қарағанды облысы Әділет департаментімен алимент бойынша міндеттемелерін орындамаған борышкерлерге қатысты қылмыстық жауапкершілікке тарту шаралары жүзеге асырылуда.
2021 жылғы 09 маусымда Қарағанды облысы кәмелетке толмағандар істері жөніндегі мамандандырылған ауданаралық сотының үкімімен борышкерлер И.И. Иванов пен П.П. Петров (фамилиялары өзгертілген) Қазақстан Республикасы Қылмыстық Кодексінің 139 бабына (алимент төлеудан жалтару) сәйкес кінәлі деп танылды. Үкім бойынша борышкерлердің 1 жылға бостандығы шектеліп, тағайындалған барлық мерзімге пробациалық бақылау қойылып, жаза мерзімі бойында 100 сағат мәжбүрлеп еңбекке тартылды. Үкімдер заңды күшіне енді.
Борышкерлердің алимент бойынша берешек сомалары 924 733 теңге және 1 653 260 теңгені құрады.
Сотталған борышкерлер бірнеше жыл бойы кәмелетке толмаған балаларын асырау үшін алимент бойынша өз міндеттерін орындамаған.
Қарағанды облысы жеке сот орындаушыларының орындауында 22 334 алимент өндіру атқарушылық іс-жүргізу тіркелген, оның ішінде, 1851 проблемалық атқару өндірістері.
2021 жылдың 1-жартыжылдығында құқық қорғау органдарымен алимент өндірістері бойынша 76 борышкерге қатысты қылмыстық іс қозғалып, оның 7-еуі борышкерлермен берешек сомасы толық төленуіне орай ақтау негіздері бойынша тоқтатылған.
Сонымен қатар, тұрақты негізде алимент өндірістері бойынша борышкерлерді жұмысқа орналастыру іс-шаралары өткізілуде, 2021 жылдың 1-жартыжылдығында 230 борышкер жұмысқа орналастырылды.
Осылайша, Әділет департаментінің алимент тобымен атқарылған жұмыстың нәтижесінде, проблемалық алимент өндірістерінің саны 12 пайызға азайды.
[xfvalue_img]
