ШҚО Абай атындағы гуманитарлық колледж ұжымымен кездесуі
2021 жылғы 15 сәуір күні Абай атындағы Шығыс-Қазақстан гуманитарлық колледжінің ұжымымен сыбайлас жемқорлықтың алдын алу, сыбайлас жемқорлыққа қарсы мәдениетті қалыптастыру, сыбайлас жемқорлықпен пәрменді күресу үшін студенттердің құқықтық сауаттылығы деңгейі мен сапасын арттыру маңыздылығын түсіндіру мақсатында ШҚО сыбайлас жемқорлыққа қарсы қызметінің, сондай-ақ, Департамент жанынан құрылған ақпараттық-ағартушылық штаб өкілдерімен кездесу ұйымдастырылды.
Кездесуге Қазақстан Республикасының Сыбайлас жемқорлыққа қарсы іс-қимыл агенттігінің ШҚО бойынша департаментінің бас маманы Сахариева Мейіргүл, өңірлік ақпараттық-ағартушылық штаб жетекшісі Есімбекова Арайлым, Халифа Алтай мешітінің бас имамы, штаб мүшесі Мұқатай Ермек қатысты.
Шара барысында Сахариева М. студенттерге «Парасаттылық пен Адалдық» қағидаларын насихаттай отырып, «Мемлекеттік қызмет және сыбайлас жемқорлыққа қарсы іс-қимыл мәселелері бойынша Қазақстан Республикасының кейбір заңнама актілеріне өзгерістер мен толықтырулар енгізу туралы» Заңға енгізілген жаңашылықтар туралы баяндама жасап, тақырыпқа сай бейнероликтер көрсетілді.
Ал өз кезегінде, Есімбекова А. болашақ ұстаздарды дайындайтын білім ордасының ұжымына жұмыстарында парасаттық, әділеттілік, адал еңбек қағидаттарын ұстану арқылы студенттерге үлгі болуға шақырды.
Сонымен қатар кездесуде Халифа мешітінің бас имамы жемқорлыққа дін тұрғысынан толыққанды түсініктеме берді. Кездесу соңында қатысушылардан туындаған өзекті сұрақтарға жауаптар берілді.
[xfvalue_img]
19 пікір