ҚР Сауда және интеграция министрлігі мен CrimsonLogic Pte Ltd Қазақстан Республикасында сауданы басқару платформасын іске қосуды жоспарлауда.
Бүгін, 2020 жылғы 28 желтоқсанда ҚР Сауда және интеграция министрлігі мен CrimsonLogic Pte Ltd Ынтымақтастық туралы меморандумға қол қойды. Меморандумның мәні сауданы қаржыландыруды, сауданы визуализациялау жүйесін және электрондық сертификаттарды қоса алғанда, Қазақстан Республикасында сауданы басқару бойынша платформаны іске қосу болып табылады.
Сауданы қаржыландыру жүктердің бастапқы көзден соңғы межелі жерге өтуін жеңілдетеді. Ол сонымен қатар жүктерді сақтандыру мен B2B төлемін қамтиды.
Нақты уақыт режимінде бірнеше көздерден сауда ақпаратының үлкен көлемін біріктіру арқылы сауданы визуализациялау жүйесін құру, оларды визуализациялауға тез және оңай талдау үшін есептер шығаруға бағытталған. Сондай-ақ, сауданы визуализациялау жүйесі ақпараттық шешімдер қабылдау үшін әлеуетті қиындықтар мен мүдделі тараптар арасындағы күрделі қатынастарға қатысты тиімділіктің негізгі көрсеткіштерін, заңдылықтары мен тенденцияларын көрсетеді.
Электрондық сертификаттар – бұл бастама сертификатты онлайн-режимде неғұрлым жылдам беру және алу үшін интеграцияланған электрондық процесті қамтамасыз етеді, сондай-ақ осы веб-қосымша сертификаттарды қауіпсіз электрондық ортада бөгде алушыларға арналған лезде беруге мүмкіндік береді.
«Біз үшін Қазақстан Республикасының Сауда және интеграция министрлігімен ынтымақтасу, Қазақстан үшін саудаға жәрдемдесудің ұлттық платформасын іске асырудың түрлі бағыттарын зерделеу және түсіну үлкен мәртебе. CrimsonLogic әлемдегі алғашқы бір терезені ұсына отырып, әрқашан сауданы цифрландырудың алдыңғы шебінде болды. Осы ынтымақтастықтың арқасында біз Қазақстанға саудадағы цифрлық трансформацияны жүзеге асыруға және жаһандық тауарлар ағынындағы сындарлы торап ретіндегі өз позицияларымызды нығайтуға көмектесуге тырысамыз» - деп атап өтті CrimsonLogic компаниясының Бас директоры Saw Ken Wye.
«Сауданы цифрландырудың жоғары маңыздылығын түсіне отырып, әлемнің 43 елінде IT бастамаларды іске асыруда 30 жылдан астам тәжірибесі бар CrimsonLogic компаниясымен ынтымақтастығымызды Біз жоғары бағалаймыз. Бұл бастамалар сауданы трансформациялаудың триггері болады деп үміттенеміз», - деп түсіндірді ҚР Сауда және интеграция вице-министрі Әсел Жанасова.
[xfvalue_img]
