Салықтық берешегі және қайтыс болған жеке тулгалардың артық төленген салық соммасы
Нұр-Сұлтан қаласы Алматы ауданы бойынша мемлекеттік кірістер басқармасы (әрі қарай Басқарма) Салық Кодексінің 47 бап 1 тармағына сәйкес, жеке тұлғаның қайтыс болған күніне немесе соттың күшіне енген шешімі негізінде оны қайтыс болды деп жариялау күніне жиналған салықтық берешегін оның мұрагері (мұрагерлері) мұраға қалдырылған мүліктің құны шегінде және мұраны алған күнге ондағы үлесіне пропорционалды түрде өтейтіні туралы хабарлайды.
Жоғарыда айтылғанға сәйкес, есеп жүргізуге жауапты Басқарманың маманы қайтыс болған жеке тұлғаның қайтыс болған күніне немесе оны қайтыс болды деп жариялау күніне жеке шотын жабады және салықтар мен төлемдер бойынша берешек және артық төлеу бар болса, мұрагерлерінің атына жаңа жеке шот ашып, қайтыс болған жеке тұлғаның есеп айырысулар сальдосын көшіреді.
Осылайша, қайтыс болған жеке тұлғаның салықтар мен төлемдер бойынша салық міндеттемелерін орындау мұрагерге (мұрагерлерге) жүктеледі.
Мұрагер болмаған жағдайда, жеке тұлғаның салықтар мен төлемдер бойынша салық міндеттемелері қайтыс болған күніне немесе оны қайтыс болды деп жариялау күніне өтелген болып есептеледі
Алматы ауданы бойынша Мемлекеттік кірістер
басқармасының есепке алу және талдау болімі бас маман Дюсембаева А.
[xfvalue_img]
