Велосипед ұрлаған күдіктіні ұстауға бейнебақылау камерасы көмектесті
Велосипед көлігін мінетін қала тұрғындары мен қонақтарының саны артылып келеді. Сонымен бірге осы көлік түрін ұрлауға бейімделгендер де аз емес.
Елордада жылдың басынан бері 40-тан астам велосипед ұрланып, оның 19 ашылды. Көбінесе үйлердің подъезінен, қоғамдық жерлерде қолды қылады.
26 сәуірде Нұр-Сұлтан қаласының жанар-жағар май станциясының қасынан велосипед ұрланғаны туралы хабар алысымен жедел басқару орталығының инспекторы бейнебақылау камерамен күдіктіні анықтап, сол жеоге «Талас-51» полиция патрулін бағаттаған. Күдікті азамат ұсталып, «Алматы» ауданының полиция басқармасына жеткізілді. Велосипед иесіне қайтарылды. Тергеу жүріп жатыр. Сонымен қатар, ұсталғанның басқа да қылмыстарға қатысы бар-жоқтығы тексерілуде.
Азаматтар мүліктің сақталуына жіті назар аударған жөн. Екі аяқты көліктерін арнайы қондырғымен бекітіп қойғандары абзал.
Нұр-Сұлтан қ.Баспасөз қызметі
[xfvalue_img]
