Таразда Полиция күніне Халық қаhарманы ескерткішіне гүл шоқтары қойылды
Жамбылдық полицейлер өз борышына адал қызмет етумен ғана емес, оңтүстік өңірдегі Полиция департаментінің даңқты тарихына, естеліктеріне мұқият қараумен де ерекшеленеді. Ал, тарих азаматтардың тыныштығы мен қауіпсіздігі үшін өз өмірлерін қиған батырлармен жазылады.
Мұндай жанқиярлықтың символы Халық қаһарманы Ғазиз Байтасов болды, ол бір секунд та ойланбастан қарулы террористтің артынан түсіп, көптеген тараздықтың өмірін сақтап қалды.
Дәстүр бойынша батырдың ескерткішінің жанында полицейлер өздерінің кезекті кәсіби мерекесі қарсаңында еске алу акциясын өткізді.
Бір минут үнсіздік жиналған полиция қызметкерлері мен құқық қорғау органдарының ардагерлеріне әлемнің және азаматтардың тыныштығын қорғауда атқарып жүрген қызметтің қаншалықты мәртебелі әрі қауіпті екенін еске салды.
Қылмысқа қарсы күрестің алдыңғы шебінде қаза тапқандарды еске ала отырып, Полиция департаментінің бастығы Арманбек Баймурзин дәл осы Ғазиз Байтасов сияқты тұлғалар тапсырылған іске жанқиярлықпен қараудың жарқын үлгісі екенін атап өтті. Олардан қатардағы жас полицейлер үлгі алу керек. Ішкі істер органдарының ардагері Тұрдалы Шералин бүгін "біз батырларға құрмет көрсетіп қана қоймай, оларға қарап бой түзейміз" деп атап өтті.
Өз қызметтерінде осындай көзқарасты көрсеткен аты аңызға айналған Ғазиздің ізбасарларын, ПД-ның ерекше көзге түскен қызметкерлерін марапаттау рәсімінде айқын көрінді, барлығы 14 қызметкер грамоталар мен бағалы сыйлықтар алды.
Сап түзеген полицейлер өз учаскелері мен аудандарын аралауға шықты. Өйткені, полиция тұрғындардың қауіпсіздігі үшін тәулік бойы қызметте болуы керек.
[xfvalue_img]
