Жемқорлыққа қарсы іс-қимылға көмектескен тұлғалар мемлекет қорғауында болады
Сыбайлас жемқорлыққа қарсы қызмет жемқорлыққа қарсы іс-қимылға жәрдемдесіп, бірақ көрсететін жәрдемін жариялағысы келмейтін тұлғаларды өз қорғауына алды.
Сыбайлас жемқорлыққа қарсы заңнаманың жаңа толықтыруына сәйкес, ендігіде көрсететін жәрдемді жариялағысы келмейтін азаматтармен Жария етпеу туралы келісім жасалатын болады.
Келісімді жасау тәртібіне сәйкес, азамат мемлекеттік органда немесе өзі жұмыскері болып табылатын ұйымда сыбайлас жемқорлыққа қарсы іс-қимылға жәрдемдесуді ниет етіп, бірақ оны жарияламай жасағысы келсе, оны өзі жұмыскері болып табылатын ұйымның басшысына хабарлайды.
Басшысы өтініш берген сәттен бастап, жиырма төрт сағаттан кешіктірмей азаматпен жария етпеу туралы келісімді жасасады. Және түскен хабарлама бойынша шаралар қабылдау үшін басшы уәкілетті органмен Келісім жасасатын болады.
Немесе азамат Жария етпеу туралы келісімді тікелей уәкілетті органның өзіне жүгініп, онымен жасаса алады.
Осыған орай, Ақтөбе облысының Сыбайлас жемқорлыққа қарсы қызметі азаматтарды жемқорлық фактілері туралы «1424» нөміріне немесе Марьесев көшесі, 93 мекенжайы бойынша хабарлауға шақырады.
[xfvalue_img]
