Сотталғандар арасында Ахмет Байтұрсынұлының өлеңдерін мәнерлеп оқудан жарыс өтті
2022 жылғы 5 қыркүйекте ұлт ұстазы Ахмет Байтұрсынұлының туған күніне орай, ЗК-169/4 мекемесінде тәрбие бөлімі қызметкерлерінің ұйымдастыруымен сотталғандар арасында ақын өлеңдерін мәнерлеп оқудан жарыс өтті.
Сотталған азаматтардың қатысуымен болған бұл іс-шарада, олар ақынның өмір жолы мен шығармалары жайында жан-жақты ой қозғады. Олардың бірі өлеңдерін мәнерлеп оқыса, енді бірі ақынның қанатты сөздерінің мағынасын түсіндірді.
Мақсат есімді жазасын өтеуші:
- Мен, кітапханадан ақынның өлеңдер жинағын алып оқыдым.
Ақынның «Маса» жинағына енген өлеңдері- халықты оқуға, өнер-білімге, рухани көтерілуге шақыру, адамгершілікті, мәдениетті уағыздау, еңбек етуге үндеу болып табылады. Маса сияқты ызыңдап, енжар, жалқауларды оятып білімді болуға үндейді. Білімді адамның күні жарық болады. Сондықтан мен де өз-өзімді дамытып, рухани байлығымды арттыру үшін мекеме кітапханасына жиі барып ақын - жазушылардың кітаптарын алып оқимын.
- Бұл іс-шараның сотталғандар үшін тәрбиелілік мәні зор болды. Өйткені олар ақын шығармалары арқылы өз-өзін танып, өз міндеріне сыни қарап адамгершілік қасиеттер мен «толық адам » қандай болу керектігі жайлы толғанысқа түсіп, біраз рухани азық алды. Шараға белсене қатысқан сотталғандар мекеме бастығының бұйрығымен марапатталатын болады»,- деді әділет аға лейтенанты Айнұр Абдрашитова.
Қызылорда облысы бойынша ҚАЖД
[xfvalue_img]
