Республикалық референдумның қорытындылары туралы Жамбыл облысы бойынша ақпараттық хабар
Ағымдағы жылғы 6 маусымда таңғы 08.00-дегі жағдай бойынша облыс көлемінде референдумның 492 учаскесінде дауыстарды санау аяқталды.
Референдумға қатысу құқығы бар Қазақстан Республикасы азаматтарының жалпы саны 688, 369 адамды құрады.
Дауыс беруге қатысқан азаматтардың саны 477, 290 адамды немесе референдумға қатысу құқығы бар азаматтар санының 69,39% құрады.
Референдумға қойылған мәселенің оң шешімін жақтап дауыс берген азаматтардың саны еліміздің барлық өңірлерінде дауыс беруге қатысқандардың 78,63 пайызын немесе 375, 277 адамды құрады.
Конституциялық түзетулерге қарсы дауыс берген азаматтардың саны-17,85 пайызын немесе дауыс беруге қатысқандар санының 85,173 адамын құрайды.
Жауаптардың екі нұсқасы да таңдап алынған, яғни жарамды деп танылған, алайда дауыстарды санау кезінде ескерілмейтін бюллетеньдер саны 1,65% немесе 7,854 бюллетеньді құрады.
Дауыс берушілердің ерік білдіруін анықтау мүмкін болмайтын және жарамсыз деп танылған белгіленбеген үлгідегі бюллетеньдер саны 1,89% - ды немесе 8,986 бюллетеньді құрады.
Облыстағы барлық референдум учаскелерінде Республикалық қоғамдық ұйымдардан 2 283 өкілдер қатысты.
Учаскеде дауыс беруге қатысқан ерекше қажеттіліктері бар азаматтар саны 1067 адамды құрады және олардың үйде дауыс бергендері 1 128 болды.
[xfvalue_img]
