Маңғыстау облысының Мұнайлы ауданында үш мыңнан астам бөтелке контрафактілік алкоголь анықталды
Маңғыстау облысы бойынша Мемлекеттік кірістер департаменті облыстық Экономикалық тергеу департаментімен бірлесіп тұрақты негізде акцизделетін өнімдердің заңсыз айналымын анықтау және жолын кесу бойынша іс-шаралар жүргізеді.
Ағымдағы жылдың 1 маусымында бірлескен рейдтік іс-шаралар кезінде Мұнайлы ауданының қойма үй-жайларының бірінде 3176 бөтелке көлемінде күмәнді есепке алу-бақылау таңбалары бар алкоголь өнімін заңсыз сақтау фактісі анықталды.
Жеке тұлғаның тиісті рұқсат құжаттары болмай, бүкіл Маңғыстау облысы бойынша алкоголь өнімдерін сату жөніндегі қызметті жүзеге асырғаны алдын ала анықталды.
Анықталған алкоголь өнімі алынып, уәкілетті ұйымға жауапты сақтауға берілді.
Қазіргі таңда жалған алкоголь өнімдерін жеткізушілер мен нақты меншік иелері, сондай-ақ өндіріс және сату орындары белгіленіп жатыр.
Акцизделетін өнімдердің заңсыз айналымы мемлекетке және акцизделетін өнімдердің айналымын жүзеге асыратын заңға бағынатын бизнес субъектілеріне айтарлықтай зиян келтіретінін, сондай-ақ халықтың денсаулығына айтарлықтай зиян келтіруі мүмкін екенін атап өтеміз.
Барлық сұрақтар бойынша, сонымен қатар акцизделетін өнімдерді заңсыз сату фактілері бойынша Маңғыстау облысының тұрғындары Мемлекеттік кірістер департаментіне - Ақтау қаласы, 31 "Б" шағын ауданы, 35 үй, анықтама телефоны: (7292) 30-13-10 (қосымша 1104) Жанама салықтарды әкімшілендіру басқармасына жүгіне алады.
Маңғыстау облысы бойынша Мемлекеттік кірістер департаменті
[xfvalue_img]
