ҚОСТАНАЙ ОБЛЫСЫНДАҒЫ АНТИКОР СЕРВИСТІК ОРТАЛЫҒЫНЫҢ ЕСІКТЕРІ ҚАЙТА АШЫЛДЫ

Қазақстан Республикасы Сыбайлас жемқорлыққа қарсы іс-қимыл агенттігі Төрағасының фронт-офис қызметтерінің регламентін бекіту туралы 2022 жылғы 29 наурыздағы №103 бұйрығын жүзеге асыру мақсатында Қостанай облысындағы «Antikor оrtalyǵy» сервистік орталық өз жұмысын қайта бастады.

         Агенттікте жұмыстағы ашықтық пен қол жетімділік, сондай-ақ азаматтардың өтініштерін қарау кезіндегі сапалы кері байланыс мәселелері қызметтегі негізгі басымдылықтардың бірі деп танылған.

Орталық азаматтарды сыбайлас жемқорлық мәселелері бойынша қабылдауға арналған алаң болып табылады. «Antikor оrtalyǵynyn» мақсаты азаматтарды кедергісіз қабылдау үшін ыңғайлы жағдайлар құру және олардың өтініштері бойынша шаралар қабылдау, сондай-ақ жеке және заңды тұлғалардың құқықтары, бостандықтарын және заңды мүдделерін қорғау болып табылады.

         «Коронавируспен күрес бойынша шектеулі шаралар салдарынан Орталық қызметі уақытша тоқтатылған болатын. Соңғы жылы «Antikor оrtalyǵy» өз қызметін онлдайн-форматта жүзеге асырды»- деп жауап берді Қостанай облысы бойынша сыбайлас жемқорлыққа қарсы іс-қимыл департаментінің басшысы Серікжан Мырзалы – «Енді сервистік орталықта Сыбайлас жемқорлыққа қарсы қызмет қызметкерлері, заңгерлер және қоғамдық ұйымдардың өкілдері жұмыс жасайтын болады. Мұнда кез келген тұрғын немесе кәсіпкер заң көмегін алу үшін де, мемлекеттік органдар тарапынан қысым көрген жағдайда да жүгіне алады».

          Ашық есік күні аясында орталық алаңында Департамент басшысының қатысуымен жеке мәселелер бойынша азаматтарды қабылдау, мекемелер ардагерлерінің қатысуымен жастарға арналған тренингтер, сондай-ақ өңірдің көрнекті қоғам қайраткерлерімен ашық және тиімді мемлекет қағидаттарын жүзеге асыру мәселелері бойынша конференция өткізілді

         Сонымен қатар, Департамент басшысының сөзі бойынша орталықта іс жүргізу офицері тұрақты түрде жұмыс жүргізеді, оның қызметіне сапалы түсіндірулер және жүгінген азаматтарға мәселелерді шешу қызметі енеді.

Сонымен бірге, «Antikor оrtalyǵy» алаңында мақсатты топтарға арналған түсіндіру және білім беру шаралары, үкіметтік емес ұйымдардың қызметкерлеріне арналған тренингтер, мемлекеттік органдардың еңбек ұжымдарымен кездесулер өткізу жоспарлануда.

         «Бүгін барлық процестер қаншалықты ашық өтетініне Сіздердің көздеріңіз жететін болады. Азаматтар үшін ыңғайлы және қолайлы жағдайлар жасалған» - деп өз пікірімен бөлісті Департаменттің ардагерлер кеңесінің өкілі Амантай Есімов – «Осыған байланысты мекеме сыбайлас жемқорлыққа қарсы іс-қимылдың әдеттегі жұмысынан қоғамдық сананы түбегейлі өзгертуге және халықтың сыбайлас жемқорлықтың кез келген түрінен саналы түрде бас тартуына және бірінші кезекте алдын алу шараларының басымдылығына көшуді мақсат етіп отыр».

         Сонымен бірге, ол барлық азаматтарды қалыс қалмай, әділетсіздіктен өтіп кетпеуге шақырды.