Қазалыда пробация есебіндегі жасөспірім маусымдық жұмысқа орналастырылды
Қазалы аудандық пробация қызметі пробация есебіндегі азаматтардың әлеуметтік жағдайына баса назар аударып көмек көрсетуде. Бұл жолғы көмек есептегі жасөспірімге «Самғау» Қызылорда облысының жастар қоғамдық бірлестігінің көмегімен көрсетілді. Кәмелет жасқа толмаған жасөспірімді «Жасыл ел» көгалдандыру бағдарламасы бойынша Әйтеке би кентіндегі маусымдық жұмысқа орналастырды. Ол кенттегі саябақтарды көгалдандырумен және абаттандырумен айналысатын болады.
«Бұл жасөспірім «Денсаулыққа қасақан ауыр зиян келтіру» бабымен істі болып, 1 жыл шартты түрде сотталып, аудандық пробация есебіне алынған. Оның тұрмыс жағдайының төмен екендігін анықтап, әлеуметтік көмек түрлерін жиі көрсетіп келеміз. Ағымдағы жылдың 01 тамызынан бастап «Жасыл ел» бағдарламасы бойынша маусымдық жұмысқа орналастырдық. Заңнамаға сәйкес жұмыс уақыты жасына байланысты есептеледі. Ол күніне 6 сағат абаттандыру жұмыстарымен айналысады.
Есептегі азаматтардың тұрмыс жағдайын зерделеп, жергілікті органдардың көмегімен тиісті көмек түрлерін көрсетеміз. Жыл басынан осы бағдарлама бойынша 12 сотталғанды жұмысқа орнастырдық»,-деді аудандық пробация қызметінің бастығы Ербол Сражатов.
Қызылорда облысы бойынша Қылмыстық-атқару жүйесі департаменті
[xfvalue_img]
